ကြက်သားဟင်း နန်းကြီးသုပ်

ဒီနေ့တော့ ကြက်သားတွေ ဝယ်လာပြီး ချက်တန်တာချက် သိမ်းတန်တာ သိမ်းပြီးသကာလ အရိုးအသား အသည်းအမြစ်လေး နည်းနည်းဆီကို ဆီပြန်မွှေးမွှေးလေး ချက်ဖြစ်ပြန်ပါတယ်။

ကြက်သားနဲ့ထမင်း စားချင်တဲ့သူလဲစားကြပြီး မာမာကတော့  ကြက်သားဆီပြန် ချက်ပြီးသားလေးနဲ့ နန်းကြီးသုပ်လေး သုပ်စားဖြစ်ခဲ့ပါတယ်။

ဒီတော့လဲ လွယ်ကူမြန်ဆန် ကြက်သားဆီပြန်ဟင်းနဲ့ နန်းကြီးသုပ်လေး သုပ်ရအောင် ပြင်ဖြစ်သွားတာနဲ့ မာမာပြင်ဆင်တဲ့ ကြက်သားဟင်း နန်းကြီးသုပ် သုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. နန်းကြီး ခေါက်ဆွဲဖတ် - 400 g တစ်ထုတ်
2. ကြက်သား - 350 g
3. ကြက်သွန်ဖြူ - အမွှာကြီးကြီး သုံးမွှာ (ဟင်းချက်ရန် ခပ်နုတ်နုတ် စင်းထားပါ)
4. ကြက်သွန်နီ - အနေတော် ၅လုံး (ဟင်းချက်ရန် ခပ်နုတ်နုတ် လှီးထားပါ)
5. ကြက်သွန်နီ - အလုံးကြီးကြီး ၃လုံး (အသုပ်ထဲထည့်သုပ်ရန်)
6. ကြက်သွန်ဖြူ - အမွှာကြီးကြီး နှစ်မွှာ (ဟင်းခါးချက်ရန်)
7. ငရုတ်သီး အရောင်တင်မှုန့် - လက်ဖက်ရည်ဇွန်းသုံးဇွန်း (ကြက်သားဆီသတ်ရန်)
8. နနွင်းမှုန့် - လိုသလောက် သုံးပေးပါ
9. ဆား - လိုသလောက် သုံးပေးပါ
10. ငါးငံပြာရည် - လိုသလောက် ပြင်ပေးပါ
11. ဆီ - ထမင်းပေါင်းအိုး ဆန်ချင်ဗူး သုံးဗူး
12. အရသာမှုန့် - လိုသလောက် သုံပေးးပါ
13. ပဲအကျက်မှုန့် - လိုသလောက် သုံးပေးပါ
14. ပဲအစိမ်းမှုန့် - ထမင်းစားဇွန်း ၈ဇွန်း
15. အုန်းနို့ဆီချက် - ထမင်းစားဇွန်း လေးဇွန်း
16. သံပုရာသီး - လိုသလောက် သုံးပေးပါ
17. နံနံပင် - လိုသလောက် သုံးပေးပါ
18. ကြက်သွန်နီ - အနေတော် နှစ်လုံး
19. မုံလာဥနီ - အနေတော် နှစ်ဥ
20. ဂေါ်ဖီ - အနေတော် တစ်စိတ် (အသုပ်နှင့်စားရန်)
21. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ (ဟင်းခါးခပ်ရန်)
22. ငရုတ်သီး အလှော်မှုန့် - လိုသလောက် သုံးပေးပါ
23. ပုဇွတ်ခြောက်မှုန့် - လက်ဖက်ရည်ဇွန်း သုံးဇွန်း (ဟင်းခါးချက်ရန်)

ပြင်ဆင်ပုံ

1. ကြက်သားကို အတုံးလိုက် ရေဆေးပြီး အနေတော် အတုံးလေးတွေ တုံးပေးပါ
2. ပြီးတာနဲ့ ဆားထမင်းစားဇွန်း တစ်ဇွန်းနှင့် နနွင်းမှုန့် လက်ဖက်ရည်ဇွန်း တစ်ဇွန်းတို့ ထည့်ပေးကာ ခပ်နာနာ နယ်ပေးပါ
3. အမြစ်ထဲမှ အရိအရွဲများ ထွက်လာတာနဲ့ အမြစ်ရဲ့ အတွင်းဘက်ကို ဓါးနှင့် လိုက်ခြစ်ပေးပါ
4. ပြီးတာနဲ့ ရေစင်အောင်ဆေးပြီး ဆား လက်ဖက်ရည်ဇွန်း တစ်ဇွန်း ငါးငံပြာရည် ထမင်းစားဇွန်း နှစ်ဇွန်း နနွင်းမှုန့် လက်ဖက်ရည်ဇွန်း တစ်ဝက်တို့နှင့် ထည့်ပြီး အရသာဝင်အောင် နယ်ပေးပါ

ကြက်သားဆီသတ်ရန်

1. ကြက်သွန်နီ ၅လုံးကို အခွံခွာပြီး အလုံးလိုက် ရေဆေးကာ ခပ်နုတ်နုတ်လေးတွေ လှီးထားပေးပါ
2. ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် စင်းထားပေးပါ
3. ဒယ်အိုးထဲမှာ ဆီထည့်ပြီး နနွင်းမှုန့် လက်ဖက်ရည်ဇွန်း တစ်ဝက်ထည့်ပြီး အပူပေးပါ
4. ဆီပူလာတာနဲ့ ကြက်သွန်နီ ကြက်သွန်ဖြူနှင့် ငရုတ်သီး အရောင်တင်မှုန့်တို့ကိုထည့်ပြီး ဆီသတ်ပေးပါ
5. ဆီသတ်နံ့ မွှေးလာတာနဲ့ အရသာ နယ်ထားသော ကြက်သားကို ထည့်မွှေပေးပါ
6. ကြက်သား ထည့်ပြီးတာနဲ့ ငါးငံပြာရည် ထမင်းစားဇွန်း နှစ်ဇွန်းနှင့် အရသာမှုန့် လက်ဖက်ရည်ဇွန်း တစ်ဇွန်းသာသာတို့ကို ထည့်ပြီး မွှေကာ ဆက်ပြီးချက်ပေးပါ
7. အရသာ သမလောက်တာနဲ့ ရေမြုပ်အောင်ထည့်ပြီး ကြက်သွန်များ နွမ်းသွားအောင် ရေခမ်းပြီး ဆီပြန်တဲ့အထိ တည်ပေးပါ
8. ချက်ထားသော ကြက်သားဆီပြန်လာတာနဲ့ မီးပိတ်ပေးထားပါ

နန်းကြီးဖတ်ပြုပ်ရန်

1. ဇောက်နက်သော အိုးတစ်လုံးထဲမှာ ရေတစ်ဝက်သာသာထည့်ပြီး ပွက်ပွက်ဆူအောင် တည်ပေးပါ
2. ရေပွက်ပွက်ဆူလာတာနဲ့ နန်းကြီးဖတ် အခြောက်ထုတ်ကို ဖောက်ပြီး ထည့်ပေးပါ
3. ပြုပ်နေစဉ် နန်းကြီးဖတ်များ ပွလာပါက ရေလိုပါက ရေနွေးကို ထပ်ထပ်ထည့်ပေးပါ
4. မုန့်ဖတ်ပြုပ်ချိန် အနည်းငယ် ကြာနိုင်တဲ့အတွက် မုန့်ဖတ်အနေတော် ရလာပါက ဆယ်ပေးပြီး လက်နှင့်စမ်းကြည့်ပါ
5. မုန့်ဖတ်အနေတော် ရလာပါက ဇကာထဲသို့ သွန်ချပေးပြီး ရေအေးနှင့် ဆေးချပေးပါ
6. ရေအေးနှင့် ဆေးပြီးတာနဲ့ ဇကာထဲမှာဘဲ ရေစစ်ထားပါ

ဟင်းခါးချက်ရန်

1. ဇောက်နက်သော အိုးတစ်လုံးထဲမှာ ရေလိုသလောက်ထည့်ပြီး ပုဇွန်ခြောက်မှုန့် ဆားနှင့် အရသာမှုန့်တို့ကိုထည့်ပြီး မီးဖိုပေါ် တင်ပေးပါ
2. ကြက်သွန်ဖြူကို အခွံခွာပြီး ငရုတ်ကောင်းမှုန့်နှင့် ရောပြီး မညက်တညက် ထောင်းထားပါ
3. ဂေါ်ဖီကို ရေဆေးပြီး မထူမပါး လှီးထားပါ
4. ဟင်းရည်အိုး ပွက်ပွက်ဆူလာတာနဲ့ ဂေါ်ဖီထည့်ပြီး တည်ပေးပါ
5. ဂေါ်ဖီအရမ်း မနူးသေးခင် ကြက်သွန်ဖြူထောင်းကို ထည့်ပေးပြီး အရသာမြည်းပေးပါ
6. အရသာကို လိုသလို ပြင်ပေးပြီးတာနဲ့ ဟင်းခါးရည် ပူပူလေး ရပါပြီ။

နန်းကြီးသုပ်ပွဲပြင်ရန်

• နန်းကြီးဖတ်များကို ပြင်ထားပါ
• ကြက်သားချက်ပြီးသားကို ပြင်ထားပါ
• ဂေါ်ဖီကို ရေဆေးပြီး ခပ်ပါးပါး လှီးထားပါ
• သံပုရာသီးကို ရေဆေးပြီး အစိတ်တွေ လှီးထားပါ
• နံနံပင်ကို ရေဆေးပြီး အနေတော်လေးတွေ လှီးပေးထားပါ
• ကြက်သွန်နီကို အခွံခွာပြီး အလုံးလိုက်ရေဆေးကာ ခပ်ပါးပါး လှီးထားပေးပါ
• မုံလာဥနီကို အခွံခွာပြီး ရေဆေးကာ အမျှင်လေးတွေ လှီးထားပေးပါ
• အရသာမှုန့်ကို ပြင်ထားပါ
• ပဲအကျက်မှုန့်နှင့် ငရုတ်သီး အလှော်မှုန့်တို့ကို ပြင်ထားပါ
• အားလုံးအဆင်သင့် ဖြစ်တာနဲ့ ဇလုံတစ်လုံးထဲမှာ မိမိစားနိူင်သလောက် နန်းကြီးဖတ် အရသာမှုန့် ကြက်သားဟင်း ပဲအကျက်မှုန့် ငရုတ်သီး အလှော်မှုန့် နံနံပင် ကြက်သွန်နီ ငါးငံပြာရည် သံပုရာရည်တို့ကို သင့်သလို ထည့်ပေးပြီး နယ်ပေးပါ
• အရသာ သမသွားတာနဲ့ အရသာမြည်းကာ လိုသလို ပြင်ပေးပြီး ဟင်းခါးရည်နှင့် တွဲဖက်ကာ စားသုံးနိူင်ပါပြီ။

စပါးလင် ပဲခြမ်းသုပ်

ဒီရက်ပိုင်း အတွင်းမှာ COVID19ကြောင့် မိမိကျန်းမာရေး မိသားစု ကျန်းမာရေး ပြည်သူလူထု ကျန်းမာရေးတို့ကို ငဲ့ကွက်အလေးထားကာ အိမ်ထဲမှာ နေနေကြရတာဟာ လူသားအားလုံးရဲ့  ကျန်းမာရေးကို စောင့်ရှောက်ရာ ကျပါတယ်။

ဒါကြောင့်မို့လို့ မိသားစု စုံစုံလင်လင် အိမ်မှာရှိနေတုန်း နေ့လည်နေ့ခင်းမှာ စကားလက်ဆုံ ပြောကြရင်း အခုလို ပဲခြမ်းအစုံကြော် အသုပ်လေး သုပ်စားကြရင်း ဗဟုသုတ ရစေမဲ့ စကားလေးတွေ ပြောကြရင်း မိသားစုတွေ နွေးနွေးဖွေးထွေး နေကြစေချင်ပါတယ်။

ဒီအသုပ်ထဲမှာ စပါးလင်လေးတွေ လှီးထည့်ထားတဲ့အတွက် အစာလဲဆေး ဆေးလဲအစာ ဆိုသလိုပါဘဲ ကျန်းမာရေးနဲ့ ကိုက်ညီအောင် သုပ်စားစေချင်ပါသေးတယ် ဒါကြောင့်မို့လို့ မာမာပြင်ဆင်ပြီး သုပ်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ပဲအစုံကြော် - ထမင်းစားဇွန်း ၁၅ဇွန်းခန့်
2. ကြက်သွန်နီ - အနေတော် တစ်လုံး
3. စပါးလင် - အရင်းပိုင်း တစ်ပင်
4. ငရုတ်သီးစိမ်း - လေးတောင့်ခန့်
5. ပဲဆီ - ထမင်းစားဇွန်း နှစ်ဇွန်းခွဲ
6. ဆား - လက်ဖက်ရည်ဇွန်း တစ်ဝက်မရှိတစ်ရှိ (အသုပ်ထဲ ထည့်ရန်)
7. ဆား - လက်ဖက်ရည် ဇွန်းတစ်ဝက် ( ကြက်သွန်နီ နယ်ပြီးဆေးရန်)
8. အရသာမှုန့် - လက်ဖက်ရည်ဇွန်း တစ်ဝက်မရှိတစ်ရှိ

ပြင်ဆင်ပုံ

• ဇလုံတစ်လုံးထဲမှာ ပဲအစုံကြော်ကို ထည့်ပေးပါ
• ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးပေးပြီး ဆားထည့်ကာ ခပ်ဖွဖွ နယ်ပေးပြီး ရေဆေးထားပါ
• စပါးလင်ကို ရေဆေးပြီး ဓါးပြတ်ပြတ်နဲ့ ခပ်ပါးပါး ရိတ်ရိတ်လေးတွေ လှီးပေးပါ
• ငရုတ်သီးစိမ်းကို ရေဆေးပြီး ခပ်ပါးပါး လှီးပေးထားပါ
• အားလုံးအဆင်သင့် ဖြစ်တာနဲ့ ပဲကြော်ပန်းကန်ထဲကို ဆီ ဆား အရသာမှုန့်တို့နဲ့အတူ ထည့်ပေးပါ
• ပြီးတာနဲ့ ခပ်ဖွဖွလေး နယ်ပေးပြီး အရသာ မြည်းပေးကာ လိုသလို ပြင်ပေးပါ
• မိမိစိတ်ကြိုက် အရသာ ရလာတာနဲ့ ရေနွေးကြမ်ျးနှင့် ပြင်ပေးကာ မိသားစု စုံစုံလင်လင် စားသုံးနိူင်ရန် ပြင်ပေးနိူင်ပါပြီ။

ပုဇွန်ကင် မွှေးမွှေးလေး

ဒီတစ်ခါတော့ ပုဇွန်ကင်လေး စားချင်စိတ် ပေါ်လာတာနဲ့ ချင်းနဲ့ ကြက်သွန်ဖြူလေးတွေ ထုထောင်းကာ အရသာနယ်ပြီး ကင်ထားပါတယ် ကင်နေထဲက မွှေးတဲ့အရသာက ထူးထူးခြားခြားလေးမို့လို့ ချက်ချင်းစားချင်တွေ ဖြစ်လာခဲ့ပါတယ် ဒါကြောင့်မို့လို့ မာမာပြင်ဆင်ပြီး ကင်ထားတဲ့ ပုဇွန်ကင် ကင်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ပုဇွန်ထုတ် - ၁၅ကောင်
2. ဆား - လက်ဖက်ရည်ဇွန်း သုံးပုံနှစ်ပုံ
3. အရသာမှုန့် - လက်ဖက်ရည်ဇွန်း တစ်ဝက်
4. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
5. ကြက်သွန်ဖြူ  - အမွှာကြီးကြီး ၇မွှာ
6. ချင်း - လက်တစ်ဆစ်ခန့်
7. နှမ်းဆီ - ထမင်းစားဇွန်း သုံးဇွန်း
8. အကင်အိုး

ပြင်ဆင်ပုံ

• ပုဇွန်များကို ရေဆေးပြီး အခွံခွာ ခေါင်းဖြုတ်ပေးကာ အမြှီးချန်ထားပြီး ကြောဖက်မှ အမဲကြောင်းကို ထုတ်ပေးပါ
• အားလုံးသန့်စင်ပြီးပါက ရေနှင့်ထပ်ပြီး ဆေးပေးပါ
• ကြက်သွန်ဖြူကို အခွံခွာပြီး ညက်နေအောင် ထောင်းပေးပါ
• ချင်းကိုအခွံခွာပြီး ရေဆေးကာ ညက်နေအောင် ထောင်းပေးပါ
• ငရုတ်ကောင်းမှုန့် ဆား ချင်းထောင်း အရသာမှုန့် ကြက်သွန်ဖြူထောင်းနှင့် နှမ်းဆီတို့ကို ပြင်ထားပါ
• ဇလုံတစ်လုံးထဲမှာ ပုဇွန်ကို ကြက်သွန်ဖြူထောင်း ဆား အရသာမှုန့် ချင်းထောင်း ငရုတ်ကောင်းမှုန့်နှင့် ဆီထမင်းစားဇွန်း တစ်ဇွန်းတို့နှင့်ရောနယ်ပြီး ရေခဲသေတ္တာထဲမှာ နာရီဝက်လောက် နှပ်ထားပါ
• ပုဇွန်နှပ်ထားတာ အချိန်ပြည့်တာနဲ့ ကင်မည့်အိုးကို အပူပေးပါ
• အကင်အိုး ပူလာတာနဲ့ အိုးကို ဆီသုတ်ပေးပါ
• ဆီအငွေ့ တက်လာတာနဲ့ အရသာ နယ်ထားသော ပုဇွန်ကို တစ်ကောင်ချင်း ထည့်ကင်ပေးပါ
• ပုဇွန်အကွေး ငါးအနွေး ဆိုသလိုပါဘဲ တစ်ဖက်ကို တစ်မိနစ်ခွဲစီလောက်ဘဲ ကင်ပေးပါ
• တစ်ဖက်ကျက်လို့ တစ်ဖက် လှန်ပေးပြီးတာနဲ့ အပေါ်ဖက်ကို ဆီခပ်များများလေး သုတ်ပေးပါ
• နှစ်ဖက်လုံး ကင်ပြီးတာနဲ့ ဆယ်ပြီးပန်းကန်ထဲ ထည့်ပေးပါ
• ထိုအကင်အိုးထဲမှာ အရသာ နယ်ထားတဲ့ ကြက်သွန်ဖတ်များ ချင်းဖတ်များကို အရည်စစ်ပြီး ထည့်ကင်ပေးပါ
• ပြီးတာနဲ့ ဆယ်ပေးပြီး ပုဇွန်ကင် အပေါ်ကို ဖြူးပေးကာ မိမိတို့ နှစ်သက်သလို စားသုံးနိူင်မည့် ပုဇွန်ကင် မွှေးမွှေးလေး ရပါပြီ

အကင်အိုး မရှိပါက အောက်ခြေမကပ်သော ဒယ်အိုးနှင့် ကင်နိူင်သလို မီးသွေးမီးဖိုပေါ်တို့မှာလဲ အကင်ဇကာခံကာ ကင်ပေးနိူင်ပါတယ်။

ငါးပိရည်ဖျော်

မြန်မာလူမျိုးတို့ ခံတွင်းက လူဆယ်ယောက်မှာ ကိုးယောက်လောက်က ငါးပိရည်ကို ကြိုက်ကြပါတယ် မာမာဆိုလဲ ငါးပိရည် မပါရင် ထမင်းမစားတတ်တာမို့လို့ နေ့တိုင်းလိုလို ထမင်းဝိုင်းမှာ ငါးပိရည် တို့စရာလေးတော့ ပါတတ်ပါတယ်။

ငါးပိရည်ကို အဖျော်လုပ်တဲ့အခါ ငါးကင် ငါးပြုပ် ပုဇွန်ခြောက်ထောင်းတို့ကို မိမိနှစ်သက်ရာ ငရုတ်သီးစိမ်းတို့ ငရုတ်သီး အလှော်မှုန့်တို့ ကြက်သွန်ဖြူ  ကြက်သွန်နီ ခရမ်းချဉ်သီးတို့နဲ့ အဆင်ပြေသလို အဖျော် လုပ်တတ်ကြပါတယ်။

မာမာကတော့ ဒီနေ့ငါးခူကို မီးကင်ပြီး ငါးပိရည်ကျို  အဖျော်လေး လုပ်ထားပါတယ် ဒါကြောင့်မို့လို့ မာမာပြင်ဆင်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ

1. ငါးပိရည်ကျိုရန် ငါးငပိ - နှစ်ဆယ်သား
2. ဆား - လက်ဖက်ရည်ဇွန်း နှစ်ဇွန်း
3. နနွင်းမှုန့် - လက်ဖက်ရည်ဇွန်း တစ်ဝက်မရှိတစ်ရှိ
4. ရေ - လက်ဖက်ရည် အကြမ်းပန်းကန် ၄လုံးခွဲသာသာတို့ကို ဇောက်နက်သော အိုးတစ်လုံးထဲ ထည့်ပေးပြီး ဆယ်မိနစ်လောက် ပွက်ပွက်ဆူအောင် တည်ပေးပါ
5. ငါးပိရည် ရပါက အရိုးများစစ်ကာ ငါးပိရည်ကို ပန်းကန်တစ်လုံးထဲသို့  ပြောင်းထည့်ထားပါ။

ဖျော်စရာထောင်းရန် လိုအပ်သော ပါဝင်ပစ္စည်းများ

• ငါးခူ - အကောင်ကြီးကြီး တစ်ကောင်
• ငရုတ်သီးစိမ်း - မိမိနှစ်သက်သလောက်
• ကြက်သွန်ဖြူ - အမွှာကြီးကြီး ၁၅မွှာ
• ကြက်သွန်နီ - အနေတော် လေးလုံး
• ငရုတ်သီး အလှော်မှုန့် - စားနိူင်သလောက်
• အရသာမှုန့် - လက်ဖက်ရည်ဇွန်း တစ်ဇွန်းသာသာ

ပြင်ဆင်ပုံ

• ကြက်သွန်ဖြူကို အမွှာလေးတွေထွင်ပြီး အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ  ထည့်လှော်ပေးပါ
• ကြက်သွန်နီကို အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ  ထည့်ဖုတ်ပေးပါ
• ပြီးတာနဲ့ ရေဆေးပြီး အခွံများ ခွာပေးထားပါ
• ငါးကို မလိုတာတွေ ဖယ်ပြီး ရေစင်အောင်ဆေးကာ ဘေးနှစ်ဖက်ကို ခပ်စိတ်စိတ်လေး မွှန်းပေးပါ
• ပြီးတာနဲ့ အကျက်ညီစေရန် ငါးကို ဒုတ်နဲ့ထိုးပြီး မီးသွေးမီးဖိုရှိပါက ကျက်သွားအောင် ကင်ပေးပါ သို့မဟုတ်
• အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ  ထည့်ကင်ပေးပါ
• ပြီးတာနဲ့ ငါးကင်ကို အရိုးအသား သပ်သပ်စီ နွှင်ထားပေးပါ
• ငရုတ်သီးစိမ်းကိုလဲ ရေဆေးကာ အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ  ထည့်လှော်ပေးပါ
• ပြီးတာနဲ့ မညက်တညက် ထောင်းပေးထားပါ
• အားလုံးအဆင်သင့်ဖြစ်တာနဲ့ ငါးကင် ငရုတ်သီးစိမ်း ငရုတ်သီး အလှော်မှုန့် အရသာမှုန့် ကြက်သွန်နီနှင့် ကြက်သွန်ဖြူတို့ကို ငရုတ်ဆုံထဲထည့်ပြီး မညက်တစ်ညက် ကြိတ်ပေးပါ
•  ထြောင်းပြီးပါက ငါးပိရည် ပန်းကန်ထဲ ရောထည့်ကာ အားလုံးသမသွားအောင် ရောဖျော်ပေးပါ
• တစ်ခါစားစာ ချန်ထားပြီး ပိုနေသော ငါးပိရည်ဖျော်များကို လေလုံဗူးများနှင့်ထည့်ကာ ရေခဲသေတ္တာ ခဲတဲ့အကန့်ထဲမှာ ထည့်ပြိးသိမ်းထားပါ
• ငါးပိရည်အဖျော်မွှေးမွှေး စပ်စပ်လေးနဲ့ အရသာရှိလှတဲ့ ငါးပိရည်ဖျော်လေးကို တို့စရာအစုံနှင့် မိန်ယှက်စွာ စားသုံးနိုင်ပါပြီ။

သျှားဖြူသီးထောင်း

ဗီယက်နမ်ဈေးကနေ ဝယ်လာတဲ့ သျှားဖြူသီးလေးတွေကို နေ့လည်နေ့ခင်း အပျင်းပြေ စားရလေအောင် ချဉ်ငံစပ်လေး ထောင်းပါတယ်။

ထောင်းနည်းက လွယ်လွယ်လေးမို့လို့ လူတိုင်းလဲ ထောင်းတတ်ကြမှာပါ ဒါပေမဲ့ မာမာပြင်ဆင်ပြီး ထောင်းထားတဲ့ ထောင်းနည်းအလွယ်လေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. သျှားဖြူသီး  - အလုံး ၁၀၀ခန့်
2. ငရုတ်သီး အခြောက်တောင့် - ၅တောင့်
3. အရသာမှုန့် - လက်ဖက်ဇွန်း တစ်ဝက်သာသာ
4. ဆား - လက်ဖက်ရည်ဇွန်း တစ်ဝက်
5. ကြက်သွန်ဖြူ  - အမွှာကြီးကြီး ၃မွှာ
6. ငါးငံပြာရည်အနောက် - ထမင်းစားဇွန်း တစ်ဇွန်း
7. ငါးငံပြာရည်အကြည် - ထမင်းစားဇွန်း တစ်ဇွန်း 

ပြင်ဆင်ပုံ

• သျှားဖြူသီးကို ရေဆေးပြီး ရေစစ်ထားပါ။
• ငရုတ်ဆုံ ခပ်ကြီးကြီးထဲမှာ ကြက်သွန်ဖြူ နှင့် ငရုတ်သီးအခြောက်တောင့်တို့ကိုထည့်ပြီး မညက်တညက် ထည့်ထောင်းပါ။
• ပြီးတာနဲ့ သျှားဖြူသီးကို မညက်တစ်ညက် ထည့်ထောင်းပေးပါ။
• အနည်းငယ် ညက်သွားတာနဲ့ ငံပြာရည်နှစ်မျိုးလုံးနှင့် အရသာမှုန့်တို့ကို ထည့်ထောင်းပေးပါ။
• ထောင်းနေစဉ် အရသာ သမသွားအောင် ဇွန်းအရိုးရှည်ရှည်နှင့် မွှေမွှေပေးပါ။
• အရသာ သမသွားတာနဲ့ အရသာ သမအောင် ဇွန်းနှင့် မွှေပေးပါ။
• အရသာ သမလောက်ပြီ ဆိုတာနဲ့ သျှားဖြူသီး ချဉ်ငံစပ်ထောင်းလေးကို စားသုံရန် ပြင်ပေးးနိူင်ပါပြီ။

ခရမ်ကြွတ်းသီး တောချက် ဆီလည်ရေလည်

ဒီနေ့တော့ ခရမ်းကြွတ်သီးလေးတွေ ဝယ်လာပြီး ပုဇွန်ထုတ်လေးတွေနဲ့ တောချက် ဆီလည်ရေလည်ချက်လေး ချက်ပါတယ်။

ငါးပိရည် ခပ်စပ်စပ်လေးနဲ့ နယ်ဖတ်ပြီး စားလို့ရအောင် ဆီကျန်ရေကျန်လေး ချက်ထားတာမို့လို့ မာမာပြင်ဆင်ပြီး ချက်ထားတဲ့ လွယ်ကူမြန်ဆန် ချက်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ခရမ်းကြွတ်သီး - အလုံးနှစ်ဆယ်ခန့်
2. ကြက်သွန်နီ - ဥကြီးကြီး တစ်ဥ
3. ပုဇွန် - ဆယ်ကောင်ခန့်
4. ကြက်သွန်ဖြူ - အမွှာကြီးကြီး ၃မွှာ
5. ဆား - လက်ဖက်ရည်ဇွန်း တစ်ဝက်သာသာ
6. အရသာမှုန့် - လက်ဖက်ရည်ဇွန်း တစ်ဝက်
7. ငရုတ်သီးအရောင်တင်မှုန့် - လက်ဖက်ရည်ဇွန်း တစ်ဇွန်းမောက်မောက်
8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
9. ဆီ - ထမင်းစားဇွန်း ၅ဇွန်း

ပြင်ဆင်ပုံ

• ခရမ်းသီးကို အညှာပြတ်အောင်လှီးပြီး ထက်ဝက်ခြမ်းပေးကာ ရေနာရီဝက်လောက် စိမ်ထားပါ
• အညိုရောင် အရည်များ ထွက်သွားပါက ရေစင်အောင်ဆေးပြီး ရေစစ်ထားပေးပါ
• ကြက်သွန်ဖြူ  ကြက်သွန်နီနှင့်တို့ကို အခွံခွာပြီး ရေစင်အောင် ဆေးပေးကာ ငရုတ်သီး အရောင်တင်မှုန့်နှင့် ရောပြီးထောင်းပေးပါ
• ပုဇွန်ကို ရေစင်အောင်ဆေးပြီး အခွံခွာပြီး အစာအိတ်နှင့် အစာလမ်းကြောင်းကို ဖယ်ပေးပါ
• ဇောက်နက်သော အိုးတစ်လုံးထဲမှာခရမ်းသီး နနွင်းမှုန့် ဆား ဆီ အရသာမှုန့်နှင့် ပုဇွန်တို့ကို ရောနယ်ပေးထားပါ
• အိုးထဲမှာ အရသာ နယ်ထားသော ခရမ်းသီးကို ရေအနည်းငယ်ထည့်ကာ အဖုံးအုပ်ပြီး တည်ပေးပါ
• အိုးမကပ်စေရန် မမွှေဘဲ လှုပ်ပေးပြီး လုံးရည်ခမ်းကာ နီးတာနဲ့ ရေလိုသလောက် ထပ်ထည့်ပေးပြီး ပွက်ပွက်ဆူအောင် တည်ပေးပါ
• အိုးထဲမှာ ဆီကျန်ရေကျန် အနေအထားလေးရအောင် တည်ပေးပါ
• ခရမ်းသီးနူးပါက အရသာမြည်းပြီး မိမိစိတ်ကြိုက် အရသာရအောင် ပြင်ပေးပါ
• အရသာ လိုသလို ပြင်ပေးပြီးတာနဲ့ ပုဇွန်ခရမ်းသီးတောချက် စပ်စပ်လေးကို သုံးဆောင်နိုင်ပါပြီ။

မုံလာဥ ချဉ်ရည်ဟင်း

ဒီနေ့တော့ ဗီယက်နမ် ဈေးကအပြန် မုံလာဥတွေ ဝယ်လာပြီး ပုဇွန်ထုတ်လေးတွေနဲ့ ထမင်းမြိန်စေမဲ့ မုံလာဥ ချဉ်ရည်ဟင်းလေး ချက်ပါတယ်။

မာမာ့တို့ ထမင်းဝိုင်းအတွက် ထမင်းမြိန်ဆေး ဟင်းရည်သောက်ဆမ်း တစ်မယ်ဆိုရင်လဲ မမှားပါဘူး ဒါကြောင့်မို့လို့ ထမင်းမြိန်မြိန်လေး စားရလေအောင် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. မုံလာဥဖြူ - အနေတော် ၃လုံး
2. မုံညှင်ရွက် - အနေတော် တစ်ပင်
3. ခရမ်းချဉ်သီး - အနေတော် လေးလုံး
4. ကြက်သွန်နီ - အနေတော် တစ်လုံး
5. ကြက်သွန်ဖြူ - အမွှာကြီးကြီး နှစ်မွှာ
6. ချင်း - ခပ်ပါးပါး သုံးပြား
7. ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
9. ဆီ - ထမင်းစားဇွန်း နှစ်ဇွန်း
10. ငံပြာရည် - ထမင်းစားဇွန်း သုံးဇွန်း
11. ဆား - လက်ဖက်ရည်ဇွန်း တစ်ဝက်
12. မန်ကျည်းသီးအနှစ် - လက်ဖက်ရည်ဇွန်း တစ်ဇွန်းမောက်မောက်
13. အရသာမှုန့် - လက်ဖက်ရည်ဇွန်း တစ်ဇွန်း
14. ပုဇွန်ထုတ် - ဆယ်ကောင်ခန့်
15. နံနံပင် - နှစ်သက်သလောက်

ပြင်ဆင်ပုံ

1. မုံလာဥဖြူကို အခွံခွာပြီး ရေဆေးကာမိမိနှစ်သက်တဲ့ ပုံစံလေးတွေ လှီးပေးထားပါ
2. မုံညှင်းပင်ကို သင့်သလိုလှီးပြီး  ရေဆေးထားပါ
3. ခရမ်းချဉ်သီးကို ရေဆေးပြီး ခပ်ပါးပါး လှီးထားပါ
4. ပုဇွန်ထုတ်ကို ရေဆေးပြီး ခေါင်းဖြုတ်ပြီး အခွံခွာကာ မလိုတာတွေဖယ်ပြီး သန့်စင်ထားပါ
5. ကြက်သွန်ဖြူ  ကြက်သွန်နီ ချင်းတို့ကို အခွံခွာပြီး ရေဆေးကာ ငရုတ်သီး အရောင်တင်မှုန့်နှင့်ရောပြီး  ညက်နေအောင် ထောင်းထားပါ
6. နံနံပင်ကို ရေဆေးပြီး အနေတော် ပိုင်းဖြတ်ထားပါ
7. မန်ကျည်းသီး အနှစ်ကို ပြင်ထားပါ
8. ဇောက်နက်သော အိုးထဲမှာ လှီးထားသော မုံလာဥများ မုန့်ညှင်းရွက်များ ခရမ်းချဉ်သီးများ နနွင်းမှုန့် ပုဇွန်ထုတ် ဆား ငံပြာရည် အရသာမှုန့် ဆီနှင့် ငရုတ်သီးထောင်းတို့ကိုထည့်ပြီး အရသာဝင်အောင် နယ်ပေးပါ
9. အရသာ နယ်ပြီးပါက ရေအနည်းငယ်ထည့်ပြီး အိုးအဖုံးအုပ်ကာ တည်ပေးပါ
10. ရေပါက်ပွက် ဆူလာတာနဲ့ အထက်အောက် သမအောင်မွှေပေးပြီး အဖုံးအုပ်ကာ ပြန်တည်ထားပါ
11. မုံလာဥနှင့် မုန့်ညှင်းရွက်များ တော်တော်လေး နွမ်းလာတာနဲ့ ရေလိုသလောက်ထည့်ပြီး ပွက်ပွက်ဆူအောင် ပြန်တည်ပေးပါ
12. ရေပွက်ပွက်ဆူကာ မုံလာဥများ နူးလာပါက မကျည်းသီးမှည့် အနှစ်ကိုထည့်ပြီး  ရေပွက်ပွက်ဆူအောင် ၄မိနစ်လောက် တည်ပေးပါ
13. ရေပွက်ပွက် ဆူလာပါက အရသာမြည်းပြီး မိမိစိတ်ကြိုက် အရသာရအောင် လိုသလို ပြင်ပေး၍ နံနံပင်အုပ်ကာ မီးပိတ်ပေးပါ
14.  နံနံပင် အနံ့ လေး မွှေးနေတဲ့ မုံလာဥသီးစုံ ချဉ်ရည်ဟင်း အရည်သောက်ဆမ်းလေးကို ထမင်းပူပူလေးနဲ့ စားသုံးရန် ပြင်ပေးလို့ ရပါပြီ။

ချဉ်ငံစပ် ငါးဖယ်သုပ်

ဒီတစ်ခါတော့ ဗီယက်နမ် ဈေးကနေ ငါးဖယ်ခြစ်လေးတွေ ဝယ်လာပြီး ငါးဖယ်ငါးဆုတ်လေးတွေ ကြော်ဖြစ်တာနဲ့ အသုပ်သုပ်စားချင်တဲ့ စိတ်လေး ပေါ်လာခဲ့ပါတယ်။

အဲဒါနဲ့ဘဲ အိမ်မှာရှိတဲ့ အသီးအရွက်လေးတွေကို ဆေးကြောပြီး လှီးပေးကာ ချဉ်ငံစပ်လေး သုပ်စားဖြစ်တဲ့အတွက် မာမာပြင်ဆင်ပြီး သုပ်စားဖြစ်တဲ့နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ငါးဖယ်ငါးဆုတ် - ၁၀ခု 
2. နံနံပင်  - အနည်းငယ်
3. ကြက်သွန်နီ - အနေတော် တစ်လုံး
4. ဂေါ်ဖီ - တစ်စိတ်
5. မုံလာဥနီ - အနေတော် တစ်ဥ
6. ပဲအကျက်မှုန့် - ထမင်းစားဇွန်း တစ်ဇွန်း
7. ငရုတ်သီး အလှော်မှုန့် - လက်ဖက်ရည်ဇွန်း တစ်ဇွန်းသာသာ
8. အရသာမှုန့် - လက်ဖက်ရည်ဇွန်း တစ်ဝက်သာသာ
9. သံပုရာသီး - တစ်ခြမ်း
10. ငါးငံပြာရည် - ထမင်းစားဇွန်း တစ်ဇွန်း
11. ငရုတ်သီးစိမ်း - ၇တောင့်ခန့်
12. ကြက်သွန်နီဆီချက် - ထမင်းစားဇွန်း တစ်ဇွန်းခွဲ

ပြင်ဆင်ပုံ

• ကြော်ပြီးသား ငါးဖယ်ကို ခပ်ပါးပါးလေးတွေ ညှပ်ထားပါ
• ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
• မုံလာဥနီကို အခွံခွာပြီး ရေဆေးကာ ခြစ်နှင့် ခြစ်ထားပါ
• ဂေါ်ဖီကို ရေဆေးပြီး ခပ်ပါးပါး လှီးထားပါ
• သံပုရာသီးကို ရေဆေးပြီး အစိတ်လေးတွေ လှီးထားပါ
• ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
• ပဲမှုန့် ငံပြာရည် ငရုတ်သီးအလှော်မှုန့် ကြက်သွန်နီဆီချက်နှင့် အရသာမှုန့်တို့ကို ပြင်ထားပါ

အသုပ် တပွဲစာပြင်ရန်

• ဇလုံတလုံးထဲမှာ ခပ်ပါးပါး ညှပ်ထားသော ငါးဖယ် ကြက်သွန်နီ ငရုတ်သီးစိမ်း မုံလာဥနီနှင့် ဂေါ်ဖီတို့ကိုထည့်ပေးပါ
• ကြက်သွန်နီဆီချက် ငံပြာရည်  ပဲအကျက်မှုန့် ငရုတ်သီး အလှော်မှုန့်   အရသာမှုန့် သံပုရာရည် တို့ထည့်ကာ ခပ်ဖွဖွနယ်ပေးပါ
• အသုပ်စုံ အရသာနယ်ပြီးတာနဲ့ အရသာမြည်းပြီး မိမိစိတ်ကြိုက် လိုသလိုပြင်ပေးကာ စားပွဲပြင်ပေးပါ
• ငါးဖယ်သုပ် ချဉ်ငံစပ်ကို ထမင်းပူပူလေးနှင့် တွဲဖက်ကာ သုံးဆောင်နိုင်ပါပြီ။

ငါးသေတ္တာ ပြန်ချက်

ဒီနေ့တော့ ချက်နည်းအရမ်းလွယ်ပြီး မြန်မြန်ဆန်ဆန်နဲ့ ဟင်းတစ်မယ်ကို ရစေမဲ့ ငါးသေတ္တာ ပြန်ချက်ဟင်းလေး ချက်ပါတယ် ချက်ရတာ မြန်သလောက် စားလို့အရမ်းကောင်းတဲ့ ဟင်းတစ်မယ်အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ငါးသေတ္တာ - ဗူးကြီး တစ်ဗူး
2. ကြက်သွန်နီ - ခပ်ကြီးကြီး တစ်လုံး
3. ဆား - လက်ဖက်ရည်ဇွန်း တစ်ဝက်သာသာ
4. ဆီ - ထမင်းစားဇွန်း လေးဇွန်း
5. ခရမ်းချဉ်သီး - အလုံးကြီးကြီး နှစ်လုံး 

ပြင်ဆင်ပုံ

• ငါးသေတ္တာဗူးကို ဖောက်ထားပါ
• ကြက်သွန်နီကို အခွံခွာပြီး အလုံးလိုက် ရေဆေးကာ အဖတ်လေးတွေ ရလာအောင် လှီးထားပါ
• ခရမ်းချဉ်သီးကို အလုံးလိုက် ရေဆေးပြီး လေးစိတ်စိတ်ထားပါ
• ဆီကိုအပူပေးပြီး ကြက်သွန်နီကို နွမ်းအောင်ကြော်ပေးပါ
• ကြက်သွန်နီ နွမ်းတာနဲ့ ငါးသေတ္တာနှင့် ဆားတို့ထည့်ပြီး ရေအနည်းငယ်ထည့်ကာ ရေဆူအောင်တည်ပေးပါ
• ရေဆူလာတာနဲ့ လှီးထားသော ခရမ်းချဉ်သီးကို ထည့်မွှေပြီး တစ်မိနစ်လောက် တည်ပေးပြီးပါက ငါးသေတ္တာဟင်း  ရပါပြီ။

ကြက်သားပဲသီး အစိမ်းကြော်

အခုရက်ထဲ ရာသီဥတုကလဲ မတည်ငြိမ်သေးသလို တောမီးတွေကလဲ ဟိုတစ်ကွက် ဒီတစ်ကွက် လောင်နေဆဲမို့လို့ ထွေလီကာလီတွေလဲ သိပ်မချက်ဖြစ်ပြန်ပါဘူး။

ဒီနေ့တော့ ထမင်းပူပူ ဟင်းပူပူလေး စားရလေအောင် ကြက်သားပဲသီး အစိမ်းကြော်လေး ကြော်ဖြစ်တာနဲ့ မာမာကြော်ဖြစ်တဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ကြက်ရင်ပုံသား - 100 g
2. ပဲတောင့်ရှည် - ဆယ်တောင့်ခန့်
3. မုံလာဥနီ - အနေတော် တစ်ဥ
4. ကြက်သွန်နီ  - အနေတော် တစ်ခြမ်း
5. ကြက်သွန်ဖြူ - အမွှာကြီးကြီး နှစ်မွှာ
6. ဆား - လက်ဖက်ရည်ဇွန်း သုံးပုံနှစ်ပုံ
7. အရသာမှုန့် - လက်ဖက်ရည်ဇွန်း တစ်ဝက်
8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
9. ပဲငံပြာရည် - ထမင်းစားဇွန်း တစ်ဇွန်းခွဲ

ကြက်သားအရသာနယ်ရန်

1. ငါးငံပြာရည်အကြည် - ထမင်းစားဇွန်း တစ်ဝက်သာသာ
2. နနွင်းမှုန့် - လက်ဖက်ရည်ဇွန်း လေးပုံတစ်ပုံ
3. အရသာမှုန့် - လက်ဖက်ရည်ဇွန်း လေးပုံတစ်ပုံ
4. ပြောင်းကော်မှုန့် - လက်ဖက်ရည်ဇွန်း တစ်ဇွန်း

ပြင်ဆင်ပုံ

1. ကြက်သားကို အတုံးလိုက် ရေဆေးပြီး ခပ်သေးသေး အမြှောင်းလေးတွေလှီးကာ အရသာ နယ်ထားပါ
2. ပဲတောင့်ရှည်ကို ရေဆေးကာ ခပ်စောင်းစောင်းလေးတွေ လှီးထားပါ
3. မုံလာဥနီကို အခွံခွာပြီး ရေဆေးကာ မိမိနှစ်သက်သလို လှီးထားပါ
4. ကြက်သွန်နီကို အခွံခွာပြီး အလုံးလိုက် ရေဆေးကာ အကွင်းလိုက် လှီးထားပါ
5. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
6. ဒယ်အိုးတစ်လုံးထဲမှာ ဆီနှင့် နနွင်းမှုန့်ထည့်ပေးကာ အပူပေးပါ
7. ဆီပူလာတာနဲ့ အရသာ နယ်ထားသော ကြက်သားကို ထဲ့ကြော်ပေးပါ
8. ကြက်သားအသား မာလာတာနဲ့ ရေအနည်းငယ်ထဲ့ကာ ရေခမ်းတဲ့အထိ တည်ပေးပါ
9. အိုးထဲမှာ ရေခမ်းသွားပြီး ဆီပြန်ထွက်လာတာနဲ့ ကြက်သွန်ဖြူနှင့် ကြက်သွန်နီကို ထည့်ကြော်ပါ
10. ကြက်သွန်နွမ်းတာနဲ့ မုံလာဥနီ ဆား အရသာမှုန့်နှင့် ပဲသီးတို့ကို ထည့်ကြော်ပါ
11. အိုးမကပ်စေရန် အိုးကိုမကြာမကြာ လှုပ်ပေးပါ
12. အသီးများ နွမ်းလာတာနဲ့ ပဲငံပြာရည်ထည့်ပေးပြီး အရသာ သမအောင် မွှေပေးပါ 
13. ပြီးတာနဲ့ အရသာမြည်းကာ မိမိနှစ်သက်တဲ့ အရသာ ရလာအောင် ပြင်ပေးပါ
14. အရသာ ပြင်ပြီးတာနဲ့ ကြက်သားပဲသီးကြော် ချိုစိမ့်စိမ့်လေးကို ထမင်းပူပူ ဟင်းပူပူလေး တွဲဖက်ပြီး စားသုံရန် ပြင်ပေးနိူင်ပါပြီ။

ပုဇွန်ကင်နှင့် နှစ်တရာပဲ

နှစ်တရာ ပဲသီးလေးတွေ ဝယ်လာဖြစ်တာနဲ့ ဒီနေ့တော့ ပုဇွန်ထုတ်လေးတွေနဲ့ရောပြီး ကင်ပေးထားပါတယ် ဒါကြောင့်မို့လို့ ထမင်းပူပူ ဟင်းပူပူလေးနဲ့ စားလို့အရမ်းကောင်းတဲ့ ပုဇွန်ကင် ကင်နည်းလေးကို မျှဝေလိုက်ပါတယ်ရှင်။

ပါဝင်ပစ္စည်းများ

1. ပုဇွန်ထုတ် - ၁၅ကောင်
2. ဆား - လက်ဖက်ရည်ဇွန်း သုံးပုံနှစ်ပုံ
3. အရသာမှုန့် - လက်ဖက်ရည်ဇွန်း တစ်ဝက်
4. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
5. ကြက်သွန်ဖြူ  - အမွှာကြီးကြီး ၇မွှာ
6. ဆီ - ထမင်းစားဇွန်း သုံးဇွန်း
7. နှစ်တရာပဲသီး - မိမိနှစ်သက်သလောက်

ပြင်ဆင်ပုံ

• နှစ်တစ်ရာပဲသီးကို ရေမြုပ်အောင်ထည့်ပြီး နူးအောင် ပြုပ်ပေးထားပါ
• ပုဇွန်ကို အခွံခွာပြီး ခေါင်းဖြုတ်ပေးကာ အမြှီးချန်ထားပြီး ကြောဖက်မှ အမဲကြောင်းကို ထုတ်ပေးပါ
• အားလုံးသန့်စင်ပြီးပါက ရေနှင့်ထပ်ပြီး ဆေးပေးပါ
• ကြက်သွန်ဖြူကို အခွံခွာပြီး ညက်နေအောင် ထောင်းပေးပါ
• ငရုတ်ကောင်းမှုန့် ဆား အရသာမှုန့် ကြက်သွန်ဖြူထောင်းနှင့် ဆီတို့ကို ပြင်ထားပါ
• ဇလုံတစ်လုံးထဲမှာ ပုဇွန်ကို ကြက်သွန်ဖြူထောင်း ဆား အရသာမှုန့် ငရုတ်ကောင်းမှုန့်နှင့် ဆီထမင်းစားဇွန်း တစ်ဇွန်းတို့နှင့်ရောနယ်ပြီး ရေခဲသေတ္တာထဲမှာ နာရီဝက်လောက် နှပ်ထားပါ
• ပုဇွန်နှပ်ထားတာ အချိန်ပြည့်တာနဲ့ ကင်မည့်အိုးကို အပူပေးပါ
• အကင်အိုး ပူလာတာနဲ့ အိုးကို ဆီသုတ်ပေးပါ
• ဆီအငွေ့ တက်လာတာနဲ့ အရသာ နယ်ထားသော ပုဇွန်ကို တစ်ကောင်ချင်း ထည့်ကင်ပေးပါ
• ပုဇွန်အကွေး ငါးအနွေး ဆိုသလိုပါဘဲ တစ်ဖက်ကို တမိနစ်ခွဲစီလောက်ဘဲ ကင်ပေးပါ
• နှစ်ဖက်လုံး ကင်ပြီးတာနဲ့ ဆယ်ပြီးပန်းကန်ထဲ ထည့်ပေးပါ
• ထိုအကင်အိုးထဲမှာ နှစ်တရာပဲသီးကို ထည့်ပေးပြီး လက်ကျန်ဆီနှင့် လှိမ့်ပေးပါ
• ပြီးတာနဲ့ ဆယ်ပေးပြီး မိမိတို့ နှစ်သက်သလို စားသုံးနိူင်မည့် ပုဇွန်ကင် မွှေးမွှေးလေး ရပါပြီ

အကင်အိုး မရှိပါက အောက်ခြေမကပ်သော ဒယ်အိုးနှင့် ကင်နိူင်သလို မီးသွေးမီးဖိုပေါ်တို့မှာလဲ ကင်ပေးနိူင်ပါတယ်။

မှိုပေါင်း အရည်သောက်ဆမ်း

ဒီနေ့တော့ King Oyster Mushroom လေးတွေ ဝယ်လာပြီး ပေါင်းပါမယ် ပေါင်းတဲ့အခါမှာ အချိုရည်များ ထွက်လာတဲ့အတွက် အရည်သောက်ဆမ်း ပြင်ပေးနိူင်ပါတယ် ဒါကြောင့်မို့လို့ မာမာပြင်ဆင်ပြီး ပေါင်းထားတဲ့ မှိုပေါင်းအရည်သောက်ဆမ်း ပြင်ဆင်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. King Oyster Mushroom - 250 g
2. ကြက်သွန်နီ -  အနေတော် တစ်ခြမ်း
3. ကြက်သွန်ဖြူ -၂မွှာ
4. ဆား - လက်ဖက်ရည်ဇွန်း သုံးပုံတစ်ပုံ
5. ပဲငံပြာရည် - ထမင်းစားဇွန်း တစ်ဝက်
6. ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
7. ဆား - လက်ဖက်ရည်ဇွန်း တစ်ဝက်သာသာ
8. ပဲငံပြာရည် - ထမင်းစားဇွန်း တစ်ဇွန်း
9. ရေ - ထမင်းစားဇွန်း ငါးဇွန်း

ပြင်ဆင်ပုံ

1. မှိုမှ မလိုသော အောက်ချေကို လှီးထုတ်လိုက်ပြီး ရေဆေးကာ လက်တစ်လုံး အရွယ်လေးတွေ လှီးထားပါ
2. ကြက်သွန်နီကို အခွံခွာပြီး အလုံးလိုက် ရေဆေးကာ တစ်ခြမ်းကို ခပ်ပါးပါး လှီးထားပါ
3. ကြက်သွန်ဖြူကို အခွံခွာပြီး ရေဆေးကာ  ဓါးပြားရိုက်ထားပါ
4. ပန်းကန်တစ်လုံးထဲမှာ ဆား ပဲငံပြာရည် ရေနှင့် ငရုတ်ကောင်းမှုန့်တို့ကို ရောပြီး သမအောင် ပြင်ထားပါ
5. ပန်းကန်တစ်လုံးထဲမှာ မှို  ကြက်သွန်ဖြူ  ကြက်သွန်နီနှင့် အရသာ စပ်ထားသော ပဲငံပြာရည်တို့ကို ထည့်ပေးပါ
6. ထိုပန်းကန်ကို ပေါင်းအိုးထဲထည့်ပြီး အဖုံးအုပ်ပေးပါ
7. ပြီးတာနဲ့ ပေါင်းမည့်ခလုတ်ကို နှိပ်ပေးပြီး ၅မိနစ် ပေါင်းပေးပါ
8. မှိုပေါင်းချိန် ငါးမိနစ် ပြည့်တာနဲ့ လေထုတ်မည့် ခလုတ်ကို နှိပ်ပြီး လေကုန်အောင် နှိပ်ပေးပြီးမှ အိုးအဖုံးကို ဖွင့်ပေးပါ
9. မှိုပေါင်းစဉ် ထွက်လာသော အရည်မှာ အရမ်းကို ချိုတဲ့အတွက် အရည်သောက်ဆမ်းလေး ပြင်ပေးနိူင်ပါတယ်
10. ပြီးတာနဲ့ မှိုပေါင်းပန်ကန်ကို ပေါင်းအိုးအပြင်သို့ ထုတ်ပေးပြီး ပူပူလူလူ သုံးဆောင်နိူင်ပါပြီ။

ပြည်ကြီးငါး ဆန်ပြားကြော်

ဒီနေ့တော့ ဗီယက်နမ်ဈေးက ဝယ်လာတဲ့ ပြည်ကြီးငါး အကောင်သေးသေးလေးတွေနဲ့ ဆန်ပြားကြော်ပါတယ် ကြော်ပြီးပြီးချင်း ပူပူလေးစားရင် အရမ်းဘဲ ကောင်းတဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ဆန်ပြား - တစ်ရုတ်ဟင်းပြင်ပန်းကန် အလတ်တစ်လုံးစာ
2. ပြည်ကြီးငါး - အကောင်သေး 200 g
3. ကြက်သွန်ဖြူ - အမွှာကြီးကြီး သုံးမွှာ
4. ဘေဘီမုန့်ညှင်း - အနေတော် တစ်ပင်
5. ဘေဘီပြောင်းဖူး - ငါးဖူး
6. ပဲတောင့်ရှည် - ၅တောင့်
7. ကြက်သွန်မိတ် - အနေတော်နှစ်ပင်
8. တရုတ်နံနံ - အခက်ကြီးကြီး သုံးခက်
9. ဘဲဥ - တစ်လုံး
10. ဆား - လက်ဖက်ရည်ဇွန်း တစ်ဇွန်း
11. သကြား - ထမင်းစားဇွန်း ၂ဇွန်း
12. ပဲငံပြာရည်အနောက် - ထမင်းစားဇွန်း တစ်ဇွန်း
13. ဆီ - ထမင်းစားဇွန်း ၅ဇွန်း 

ပြည်ကြီးငါး သန့်စင်ပုံ

1. ပြည်ကြီးငါး ကိုယ်လုံးထဲမှ သည်းခြေအိတ် ပလပ်စတစ်ပြားနှင့် အစာအိတ်တို့ကို ဖယ်ပေးပါ
2. သည်းခြေအိတ်ကို ထုတ်ရာမှာ ပေါက်မထွက်သွားအောင် သတိထားပြီး ထုတ်ပေးပါ
3. ပြည်ကြီးငါးရဲ့ ခေါင်းပိုင်းဖက်မှ မျက်စေ့နှင့် သွားနေရာတို့ကို ဖယ်ပေးပါ
4. မလိုတာတွေ ဖယ်ပြီးတာနဲ့ ရေစင်အောင် ဆေးပေးကာ ရေစစ်ထားပါ

ပြင်ဆင်ပုံ

• ပြည်ကြီးငါးကို အဆင်သင့် ထားပေးပါ
• ဆန်ပြားနှင့် ပါဝင်ပစ္စည်းများကို ပြင်ထားပါ
• ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်သေးသေး လှီးထားပါ
• ပဲသီးကို အတောင့်လိုက် ရေဆေးကာ အနေတော် လှီးထားပါ
• ဘေဘီမုန့်ညှင်းကို ခပ်ကြမ်းကြမ်း လှီးပေပြီး ရေဆေးထားပါ
• ဘေဘီပြောင်းဖူးကို ရေဆေးပြီး ထက်ဝက်ပိုင်းထားပါ
• တရုတ်နံနံကို ရေဆေးပြီး အနေတော် ပိုင်းဖြတ်ထားပါ
• ကြက်သွန်မိတ်ကို အပင်လိုက် ရေဆေးပေးပြီး ခပ်စောင်းစောင်း လှီးပေးထားပါ
• အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
• ဆီပူလာလျှင် ကြက်သွန်ဖြူကို မွှေးလာရုံလေး ထည့်ကြော်ပေးပါ
• ပြီးတာနဲ့ ရေစစ်ထားတဲ့ ပြည်ကြီးငါးကို အရင်ဆုံး ထည့်ေ ကြာ်ပေးပါ
• ပြည်ကြီးငါးကို နှစ်မိနစ်လောက် ကြော်ပြီးတာနဲ့ တရုတ်နံနံနှင့် ကြက်သွန်မိတ်မှလွဲပြီး ကျန်နေသော အသီးအရွက်များတို့ကို ထည့်ကြော်ပေးပါ
• အသီးအရွက်များ အနည်းငယ် နွမ်းသွားပါက ဆန်ပြားကို ထည့်ကြော်ပေးပါ
• ပြီးတာနဲ့ အရသာ သမသွားအောင် မွှေပေးပါ
• အသီးအရွက်ကြော် ဖြစ်တဲ့အတွက် အရမ်းနွမ်းပြီး အသီးအရွက်များ အရောင်ပြောင်းတဲ့အထိ ကြော်စရာမလိုတဲ့အတွက် ခနဘဲကြော်ပေးပါ
• အရသာ သမလောက်ပြီ ဆိုတာနဲ့ တရုတ်နံနံနှင့် ကြက်သွန်မိတ်တို့ကို ထဲ့ပေးပြီး အရသာမြည်းပြီကာ လိုသလို ပြင်ပေးပါ
• မိမိစိတ်ကြိုက် အရသာ ရပြီဆိုတာနဲ့ ပန်းကန်ထဲ ပြောင်းထဲ့ပေးပါ
• ကြော်ပြီးတာနဲ့ ပူပူလူလူလေး သုံးဆောင်ပါက အရမ်းကို ကောင်းလွန်းတဲ့ ပြည်ကြီးငါး ဆန်ပြားကြော်ကို စားသုံးရန် ပြင်ပေးနိူင်ပါပြီ။

Mala Xiang Guo

တစ်နေ့တစ်နေ့ ဘာချက်စားရင် ကောင်းမလဲလို့ တွေးလိုက်မိတိုင်း ကိုယ်စားချင်တာတွေ အိမ်မှာအဆင်သင့် ရှိရဲ့ လား အိမ်မှာ အဆင်သင့် မရှိနေရင်လဲ ကိုယ့်အိမ်က ဈေးနဲ့ အတော်အတန် အလှမ်းဝေးတဲ့ နေရာမှာမို့လို့ အစီအစဉ်လေးတွေ ပျက်ပျက်သွားတာလဲ မကြာခန ဆိုသလိုပါဘဲ။

ဒီနေ့တော့ တရုတ်စားဖွယ်ရာတွေ တင်ပေးတဲ့ ယူကျူ့ကနေ ချက်နည်းလေး ကြည့်ကာ အိမ်မှာရှိတဲ့ အသားတွေ အသီးအရွက်တွေနဲ့ Mala Xiang Guo ပူပူစပ်စပ်လေး ချက်စားပလိုက်ပါတော့တယ် Mala Xiang Guo  အနှစ်ချက်နည်းလေးကိုလဲ တင်ပေးပါ့မယ်။

ဒီနေ့မှာတော့ အနှစ်နဲ့ချက်တဲ့နည်းလေးကို မျှဝေပေးလိုက်ပြီး နောက်နေ့တွေမှာ အနှစ်ချက်နည်းနဲ့ အရည်သောက်ချက်နည်းလေးတွေကို အလျဉ်းသင့်သလို မျှဝေပေးပါ့မယ် ဒီနေ့ပြင်ဆင်ထားတဲ့ အချိုးအစားက နှစ်ပွဲစာ ပြင်ထားတာ ဖြစ်တဲ့အတွက် အရည်သောက်တစ်ခွက်နဲ့ အနှစ်ချက် တစ်မယ်အစာအတွက် ခွဲပြီးသုံးထားပါတယ်ရှင်။

ပါဝင်ပစ္စည်းများ

1. ကြက်သား - 150 g
2. ပုဇွန်ထုတ် - 100 g
3. ပုဇွန်အကောင်လတ် - 100 g
4. ခေါက်ဆွဲခြောက် - 454 g
5. ပဲငပိ မာလာအနှစ် - ထမင်းစားဇွန်း သုံးဇွန်း
6. ဆီတို့ဟူး မာလာအနှစ် - ထမင်းစားဇွန်း သုံးဇွန်း
7. ငရုတ်သီးအခြောက်တောင့် - ငါးတောင့်
8. ကြာစွယ် - လှီးပြီးသား ဆယ်ခုခန့်
9. မုန့်ညှင်းစိမ်း - နှစ်ပင်
10. မုံလာဥနီ - အနေတော် တစ်ဥ
11. ဂေါ်ဖီ -  အနေတော် တစ်စိတ်
12. ရွှေပဲသီး - ဆယ်တောင့်ခန့်
13. ဆား - လိုသလောက် သုံးပေးပါ
14. အရသာမှုန့် - လိုသလောက် သုံးပေးပါ

ပြင်ဆင်ပုံ

• ကြက်သားကို ရေစင်အောင်ဆေးပြီး ဆား လက်ဖက်ရည်ဇွန်း တစ်ဝက် အရသာမှုန့် လက်ဖက်ရည်ဇွန်း တစ်ဝက်တုိ့နဲ့ အရသာ ဝင်သွားအောင် နယ်ထားပါ
• ပုဇွန်ထုတ်ကိုလဲ ရေစင်အောင်ဆေးကာ အမြှီးချန်ထားပြီး အခွံခွာ ခေါင်းဖြုတ်ပေးကာ ဆား လက်ဖက်ရည်ဇွန်း သုံးပုံတစ်ပုံ အရသာမှုန့် လက်ဖက်ရည်ဇွန်း သုံးပုံတစ်ပုံတို့နှင့် နယ်ထားပါ
• ပုဇွန်အကောင် အလတ်များကို ရေစင်အောင်ဆေးပြီး ခေါင်းဖြုတ်ပေးကာ အခွံများ ချန်ထားပြီး ဆား လက်ဖက်ရည်ဇွန်း သုံးပုံတစ်ပုံနှင့် အရသာမှုန့် လက်ဖက်ရည်ဇွန်း သုံးပုံတစ်ပုံတို့နှင့် နယ်ထားပါ
• ငရုတ်သီး အခြောက်တောင့်များကို ရေဆေးပြီး ခပ်ကြမ်းကြမ်း လှီးပေးထားပါ
• မုန့်ညှင်းစိမ်းကို ရေစင်အောင်ဆေးပြီး အနေတော် ပိုင်းဖြတ်ထားပါ
• ဂေါ်ဖီကို ရေစင်အောင်ဆေးပြီး အနေတော် လှီးပေးထားပါ
• မုံလာဥနီကို အခွံခွာပြီး ရေစင်အောင် ဆေးပေးကာ မိမိနှစ်သက်သလို လှီးပေးထားပါ
• ရွှေပဲသီးကို အကြောသင်ပေးပြီး ရေဆေးထားပါ
• ကြာစွယ်များကို အဆင်သင့် ပြင်ထားပါ
• ခေါက်ဆွဲခြောက်ကို ရေနွေးဆူဆူထဲမှာ ထည့်ပြီး ပျော့သွားတဲ့အထိ ပြုပ်ပေးကာ ရေနွေးသွန်ပြီး ရေစစ်ထားပါ

အားလုံးအဆင်သင့် ဖြစ်တာနဲ့ ချက်ဖို့ပြင်ရန်

1. အိုးတစ်လုံးထဲမှာ ကြက်သားနှင့် ရေမြုပ်အောင်ထည့်ပြီး ကြက်သားကို ကျက်သွားအောင် ပြုပ်ပေးပါ
2. ကြာစွယ်နှင့် အသီးအရွက်များကိုလဲ ပွက်ပွက်ဆူနေသော ရေနွေးအိုးထဲမှာ သုံးမိနစ်ခန့် ပြုပ်ပေးပြီး ဆယ်ယူကာ ရေစစ်ထားပါ
3. ဒယ်အိုးတစ်လုံးထဲမှာ အဆင်သင့် ပြင်ထားသော မာလာအနှစ် နှစ်မျိုးကို ထည့်ပေးကာ အပူပေးပါ
4. ဆီပူလာတာနဲ့ ငရုတ်သီးခြောက်များကို ထည့်မွှေပေးပါ
5. ငရုတ်သီး အနံ့လေး သင်းလာတာနဲ့ ကြက်သားနှင့် ပုဇွန် ဆားနှင့် အရသာမှုန့်တို့ကို ထည့်မွှေပေးပါ
6. သုံးမိနစ်လောက် ရတာနဲ့ ခေါက်ဆွဲဖတ်များနှင့် အသီးအရွက်များကို ထည့်မွှေပေးပါ
7. အားလုံးသမသွားပြီ ဆိုတာနဲ့ နှစ်မိနစ်လောက် တည်ထားပေးကာ အရသာ မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပါ
8. မိမိစိတ်ကြိုက် အရသာ ရလာပြီ ဆိုရင်တော့ ပူပူစပ်စပ် မွှေးမွှေးလေးနဲ့ အရသာ ရှိလွန်းတဲ့ Mala Xiang Guo ကို သုံးဆောင်လို့ ရပါပြီ။

ပလို့ပြောင်းဖူးထောင်း စပ်စပ်လေး

အေးရှန်းဆိုင်ကို ဈေးသွားဝယ်ရင်း ပလို့ပြောင်းဖူးလေးတွေ တွေ့တာနဲ့ ဝယ်လာပြီး ဒီနေ့တော့ ချဉ်ငံစပ်လေး ထောင်းပါတယ်။

 ပြောင်းဖူးက အစိမ့်အရသာဖက်နွယ်သလို စေးထန်းတဲ့ အရသာလဲ ရှိတဲ့အတွက် စားလို့အရမ်း ကောင်းပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ပလို့ ပြောင်းဖူး - နှစ်ဖူး
2. ချယ်ရီခရမ်းချဉ်သီး - ၅လုံးခန့်
3. ပဲတောင့်ရှည် - ၅တောင့်ခန့်
4. ကြက်သွန်ဖြူ - ၃မွှာ
5. ပုဇွန်ခြောက် - ၁၅ကောင်ခန့်
6. ငရုတ်သီး အခြောက်တောင့် - ၅တောင့်ခန့်
7. ထန်းလျှက်ခဲ - ခပ်သေးသေး တစ်ခဲ
8. ငါးငံပြာရည်အကြည် - ထမင်းစားဇွန်း တစ်ဇွန်း
9. ဆား - အနည်းငယ်
10. သံပုရာသီး - တစ်ခြမ်း
11. ကြက်ဥ -၂လုံး

ပြင်ဆင်ပုံ

• ပြောင်းဖူးကို ကျက်အောင်ပြုပ်ပြီး ဓါးနှင့်လှီးချပေးထားပါ
• ကြက်သွန်ဖြူကို အခွံခွာကာ ရေဆေးထားပါ
• ပဲတောင့်ရှည်ကို ရေဆေးပြီး အနေတော် လှီးထားပါ
• ခရမ်းချဉ်သီးကို ရေဆေးပြီး ထက်ဝက်ခြမ်းထားပါ
• ပုဇွန်ခြောက်ကို ရေဆေးထားပါ
• ငရုတ်သီး အခြောက်တောင့်ကို ရေဆေးထားပါ
• ငရုတ်သီးတောင့်ကို အညှာခြွေပြီး ရေဆေးထားပါ
• ကြက်ဥကို ကျက်အောင်ပြုပ်ပြီး အခွံခွာကာ အနေတော် စိတ်ပေးထားပါ
• ကျန်လိုအပ်သော ပစ္စည်းများကို ပြင်ထားပါ
• ငရုတ်ဆုံထဲမှာ အရင်ဆုံး ငရုတ်သီးတောင့်နှင့် ပုဇွန်ခြောက်ကို မညက်တညက် ရအောင် ထည့်ထောင်းပါ
• ပြီးတာနဲ့ထန်းလျှက်ခဲနှင့် ပဲသီးတို့ကို ခပ်ဖွဖွ ထည့်ထားပါ
• ထောင်းထားတာတွေကို သမအောင် ဇွန်းနဲ့မွှေပေးပြီး ခရမ်းချဉ်သီး ဆား ငံပြာရည်နှင့် သံပုရာရည်တို့ထည့်ကာ ခပ်ဖွဖွထည့်ထောင်းကာ ဇွန်းနှင့်သမအောင် မွှေပေးကာ အရသာမြည်းပြီး လိုသလို ပြင်ပေးပါ
• အရသာပြင်ပြီးတာနဲ့ ပန်းကန်တခုထဲမှာ ပြောင်းဖူးထောင်းကိုထည့်ကာ ကြက်ဥကို ထည့်ပေးပြီး ပြောင်းဖူးထောင်း ချိုချဉ်ငံစပ်လေးကို စားသုံးရန် ပြင်ပေးနိူင်ပါပြီ။