ဒီနေ့တော့ မုန့်ညှင်းစိမ်းကို ကြံမဆိုင်ထည့်ထားတာ ရသွားပြီမို့ မိမိနှစ်သက်သလို ပြင်ဆင်ပြီး လုပ်စားနိူင်ဖို့ မာမာပြင်ဆင်ပြီး လုပ်ထားတဲ့ ကြံမဆိုင် ထည့်နည်းလေးကို မျှဝေလိုက်ပါတယ်ရှင်။
ပါဝင်ပစ္စည်းများ
- မုန့်ညှင်းစိမ်း - တစ်ကီလို
- ဆားကြမ်း - ထမင်းစားဇွန်း လေးဇွန်း
- ငရုတ်သီးစိမ်း - မိမိနှစ်သက်သလောက်
- ကြက်သွန်ဖြူ - မိမိနှစ်သက်သလောက်
- ဗနီကာ - လိုသလောက် သုံးပေးပါ
ပြင်ဆင်ပုံ
- မုန့်ညှင်းစိမ်း အရွက်များကို ရေစင်အောင် ဆေးပေးပြီး ရေစစ်ထားပါ
- ရေစစ်ပြီ ဆိုတာနဲ့ နေအရမ်းပူပါက ၃နာရီလောက် နေလှန်းပေးပါ
- နေပူရှိန် နည်းပါက တစ်ရက်လောက် နေလှန်းပေးပါ
- နေလှန်းပြီးတာနဲ့ စဉ့်နီတုန်း သန့်သန့်အပေါ် အရွက်များ တင်ပေးပြီး ဆားကြမ်းကြမ်းနှင့် နယ်ပေးပါ
- ဆားနယ်တဲ့ နေရာမှာ အရွက်များထဲအထိ ဆားရည်များ စိမ့်ဝင်အောင် ခပ်နာနာ နယ်ပေးပါ
- အရွက်များကို ဆားနယ်ပြီးတာနဲ့ တစ်လက်မလောက် အနေအထားလေးတွေ ပိုင်းပေးပြီး ဇလုံထဲမှာထည့်ကာ သုံးနာရီလောက် နှပ်ထားပါ
- အရွက်များ အချဉ်တည်နေစဉ် အူလည်လည် မဖြစ်စေရန် ဆားကို ခပ်ငံငံလေး နယ်ပေးပါ
- ငရုတ်သီးစိမ်းကို ရေဆေးပြီး ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ရေစစ်ထားပါ
- အရွက်များ နှပ်ထားချိန် သုံးနာရီ ပြည့်တာနဲ့ လက်အားသန်သန်နှင့် အရည်များကို ညှစ်ပေးပြီး အရည်များကို သွန်ပလိုက်ပါ
- အရည်ညှစ်ပြီးသား အရွက်များ ကြက်သွန်ဖြူနှင့် ငရုတ်သီးစိမ်းတို့ကို ပုလင်းသန့်သန့်ထဲမှာ ဖိသိပ်ပြီး ထည့်ပေးပါ
- ပြီးတာနဲ့ ဗနီကာကို အရွက်များ မြုပ်တဲ့အထိ လောင်းထည့်ပေးပါ
- ပုလင်းကို လေလုံအောင် ပိတ်ထားပြီး အခန်းအပူချိန်အတိုင်း ထားပါက ၂ရက်လောက်ဆို ရပါပြီ
- အရွက်များ ဗနီကာအရည်အပေါ်ကို တက်လာပါက မြုပ်သွားအောင် ဇွန်းသန့်သန့်နှင့် ဖိဖိပေးပါ
- နှစ်ရက်လောက်ဆို နေီကာ အရည်စိမ် ကြံမဆိုင် ရလာပြီမို့ မိမိနှစ်သက်သလို ပြင်ဆင်ချက်ပြုပ်ပြီး စားလို့ရပြီ။
မှတ်ချက်။ ။ ဗနီကာအနံ့က အချဉ်နံ့ စူးတဲ့အတွက် ဟင်းချက်ဖို့ ပြင်ပေးတိုင်း အနည်းဆုံး ရေနှင့် တစ်ထပ်လောက် ဆေးပေးပြီးမှ ချက်ပေးပါ။
