ဒီနေ့တော့ မာမာတို့ ငယ်ငယ်က အမေကြော် ခနခနကြော်ကျွေးတတ်တဲ့ ပုဇွန်ထောင်းကြော်လေးကို သတိရတာနဲ့ ထမင်းပူပူလေးနဲ့ လိုက်ဖက်လွန်းတဲ့ ပုဇွန်ထောင်းကြာ်လေး ကြော်ဖြစ်ပါတယ်။
ပုဇွန်ဆိတ်လေးတွေနဲ့ ကြော်ရင် အခွံလေးတွေ ပါတဲ့အတွက် ပိုပြီး ကောင်းပါတယ် မာမာကတော့ ပုဇွတ်ဆိတ်တဲ့ အကောင်ကြီးတဲ့ ပုဇွန်ခေါင်းချိုးသာသာ အရွယ်လေးတွေနဲ့ ကြော်တဲ့အတွက် ခေါင်းတွေအခွံတွေ ဖြုတ်ပြီးမှ ကြော်ထားပါတယ်။
အရသာ ရှိလွန်းပြီး စားလို့ကောင်းလွန်းတဲ့အတွက် မာမာပြင်ဆင်ပြီး ကြော်ထားတဲ့ နည်းလေးကို စိတ်ဝင်စားသူတွေအတွက် မျှဝေပေးလိုက်ပါတယ်ရှင်။
ပါဝင်ပစ္စည်းများ
- ပုဇွန်ခေါင်းချိုး - 250 g
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး လေးမွှာ
- အရသာမှုန့် - လက်ဖက်ရည်ဇွန်း တစ်ဝက် (ပုဇွန်အရသာနယ်ရန်)
- ဆား - လက်ဖက်ရည်ဇွန်း သုံးပုံတစ်ပုံ (ပုဇွန်အရသာနယ်ရနိ်)
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ (ပုဇွန်အရသာနယ်ရန်)
- အကြော်မှုန့် - ထမင်းစားဇွန်း သုံးဇွန်း မောက်မောက် (မည်သည့်အကြော်မှုန့်မဆို သုံးနိူင်ပါတယ်)
- ဆား - လက်ဖက်ရည်ဇွန်း သုံးပုံတစ်ပုံ (ပုဇွန်ထောင်းထဲထည့်ရန်)
- အရသာမှုန့် - လက်ဖက်ရည်ဇွန်း တစ်ဝက် (ပုဇွန်ထောင်းထဲထည့်ရန်)
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ (ပုဇွန်ထောင်းထဲထည့်ရန်)
- နံနံပင် - နှစ်သက်သလောက်
- ဆီ - လိုသလောက် သုံေးပေးပါ
ပြင်ဆင်ပုံ
- ပုဇွန်ကို အခွံခွာ အမြှီးဖြုတ် ခေါင်းဖြုတ်ပြီး ကြောဖက်မှ အမဲကြောင်းကို ဖယ်ပေးပါ
- အားလုံးပြီး သန့်စင်ပြီးလျှင် ရေတစ်ထပ်ဆေးပြီး ရေစစ်ထားပါ
- ပုဇွန်ရေစစ်သွားပါက ဆား နနွင်းမှုန်နှင့် အရသာမှုန့်တို့ထည့်ကာ နယ်ထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူ ကို အခွံခွာပြီး ရေဆေးကာ ခပ်နုတ်နုတ် စင်းထားပါ
- နံနံပင်ကို ရေဆေးပြီး ခပ်ကြမ်းကြမ်း လှီးထားပါ
- ငရုတ်ဆုံထဲမှာ ပုဇွန်ကို အရင်ဆုံထည့်ပြီး ညက်နေအောင် ထောင်းပေးပါ
- ပုဇွန်ညက်တာနဲ့ ကြက်သွန်ဖြူ ကြက်သွန်နီနှင့် အကြော်မှုန့်တို့ကို ထည့်ပြီး အရသာ သမသွားအောင် ခပ်ဖွဖွ ထောင်းပေးပါ
- ထောင်းလို့ပြီးပါက အရသာ သမသွားအောင် ဇွန်းနှင့်ရောနယ်ပေးပါ
- ပြီးတာနဲ့ ဇလုံတစ်ခုထဲမှာ ခပ်ထည့်ပြီး အဖုံးအုပ်ပေးကာ ရေခဲသေတ္တာ မခဲတဲ့ အကန့်ထဲမှာ နှစ်နာရီလောက် နှပ်ထားပေးပါ
- နှပ်ထားချိန် ပြည့်တာနဲ့ ထမင်းစားဇွန်း တစ်ဇွန်းမောက်မောက်စာယူပြီး လက်ကိုရေစွတ်ကာ ခပ်ဖွဖွ ဆုတ်လုံးပေးပါ
- ။ယ်အိုးထဲမှာ ဆီထည့်ပြီး ဆီကိုအပူပေးပါ ဆီပူလာပါက လုံးထားသော ပုဇွန်လုံးကို မထည့်ခင် မီးကို အနေတော် ပြန်လျှော့ပေးပြီးမှ ပုဇွန်လုံးကို ထည့်ကြော်ပါ
- မီးအရမ်းများပါက အထဲက မကျက်သလို အပြင်ကလဲ ခနလေးနဲ့ ကျွမ်းသွားတတ်ပါတယ်
- ပုဇွန်ထောင်းကြော်က ကြော်နေတဲ့ အခါမှာ အရမ်းဘဲ ပွလာတတ်တဲ့အတွက် အိုးထဲမှာ အများကြီး မထည့်ဖို့ သတိထားပေးပါ
- တစ်ဖက်ကျက်တာနဲ့နောက်တစ်ဖက်လှန်ပြီး ဆက်ကြော်ပေးပါ
- နှစ်ဖက်လုံး ရွှေဝါရောင် သန်းပါက ဆယ်ပြီးဆီစစ်ပေးပါ
- ဆီစစ်သွားပါ ထမင်းပူပူလေးနဲ့ စားနိူင်သလို ဆလတ်ရွက် နှစ်သက်ရာ အချဉ်နဲ့ တွဲဖက်ပြီး စားသုံးရန် ပြင်ပေးနိုင်ပါပြီ။
No comments:
Post a Comment