သရက်သီးစိမ်းလေးတွေ ပေါ်လာပြီဆိုတော့ စားချင်တာလေးတွေ တမျိုးပြီးတစ်မျိုး လုပ်စားတဲ့ အထဲက ဒီနေ့တော့ သရက်သီးစိမ်းလေးတွေနဲ့ ချတ္တနေးလေး လုပ်ဖြစ်သွားပါတယ်။
မာမာကတော့ ချတ္တနေးကို ဇွန်းလေးနဲ့ ကော်ယူပြီး ဒီအတိုင်းလေး စားရတာကို ပိုပြီးသဘောကျပြီး ခံတွင်းရှင်းအောင်ရယ် ချဉ်ငံစပ်လေး စားချင်တဲ့အခါရယ် စားနိူင်ဖို့အတွက် မာမာပြင်ဆင်တဲ့ နည်းလေးကို မျှဝေလိုက်ပါတယ်ရှင်။
ပါဝင်ပစ္စည်းများ
- သရက်သီးစိမ်း - 1 kg
- ကရဝေးရွက် - နှစ်ရွက်
- ဇီယာစေ့ - လက်ဖက်ရည်ဇွန်း တစ်ဇွန်း
- မုန့်ညှင်းစေ့ - လက်ဖက်ရည်ဇွန်း တစ်ဇွေန်း
- လေးညှင်း - လေးပွင့်
- ဖာလာစေ့ - ၅စေ့
- နာနတ်ပွင့် - တစ်ပွင့်
- သစ်ဂျပိုးခေါက် - နှစ်လက်မလောက်
- ငရုတ်သီးအစပ်တောင့် - ၇တောင့်
- သကြား - ထမင်းစားဇွန်း သုံးဇွန်းမောက်မောက် (အချိုကြိုက်ပါက ပိုထည့်ပေးပါ)
- ဆား - လက်ဖက်ရည်ဇွန်း တစ်ဇွန်း
- အရသာမှုန့် - ညက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း တစ်ဝက်
- ဆီ - ထမင်းစားဇွန်း လေးဇွန်း
ပြင်ဆင်ပုံ
- သရက်သီးစိမ်းကို အထဲမှ အစေးများ ထွက်သွားစေရန် အရင်ဆုံး အညှာဖက်မှ ဖြတ်ပေးကာ ရေနာရီဝက်လောက် စိမ်ထားပါ
- သရက်စေးများ ကုန်တာနဲ့ အခွံခွာကာ သရက်သီးကို ဓါးနှင့် လိုက်ပေါက်ပေးပါ
- ပြီးတာနဲ့ ခပ်ပါးပါးလေးတွေ ရလာအောင် လှီးပေးကာ သကြားထည့်ပြီး နယ်ပေးထားပါ
- သရက်သီး အဆင်သင့် ဖြစ်တာနဲ့ ပါဝင်ပစ္စည်းများကို ပြင်ထားပါ
- ဒယ်အိုးကို အပူပေးပြီး ဆီနှင့် နနွင်းမှုန့်တို့ကို ထည့်ပေးပါ
- ပြီးတာနဲ့ မီးကိုအကုန် ပိတ်လိုက်ပြီး ကရဝေးရွက် သစ်ဂျပိုးခေါက် ဇီယာစေ့ လေးညှင်းပွင့် မုန့်ညှင်းစေ့ ဖာလာစေ့ နာနတ်ပွင့်နှင့် ငရုတ်သီးတောင့်တို့ကို ထည့်ပေးပြီး ကြော်ပေးပါ
- အစေ့အဆံများ အရမ်းမကျွမ်းစေရန် ခပ်မြန်မြန် ကြော်ပေးပြီးတာနဲ့ မီးဖိုပေါ်မှ ဖယ်ပေးပါ
- ကြော်ထားသော အစေ့အဆံများကို ဆီစစ်ပေးပြီး အမှုန့် ကြိတ်စက်ထဲ ထည့်ပေးကာ ညက်နေအောင် ကြိတ်ပေးပါ
- ဆီလက်ကျန်နှင့် ဒယ်အိုးကို အပူပြန်ပေးပြီး ကြိတ်ထားသော အစေ့အဆံများ လှီးထားသော သရက်သီး ဆားနှင့် အရသာမှုန့်တို့ကို ထည့်ပြီးမွှေပေးပါ
- အနံ့ အရသာ သမသွားတာနဲ့ ရေမြုပ်အောင်ထည့်ပြီး အဖုံးအုပ်ကာ တည်ပေးပါ
- သရက်သီးအိုး တည်ထားစဉ် အိုးမက်စေရန် မကြာမကြာ မွှေပေးပါ
- သရက်သီးများ နူးအိလာပါက အားလုံးကျေသွားအောင် သစ်သားယောင်းမနှင့် ဖိပြီးချေပေးကာ အရသာ မြည်းပေးပြီး လိုသလို ပြင်ပေးပါ
- အရသာ အနေတော် ဖြစ်လာပြီး သရက်သီးထဲမှ ရေခမ်းလာတာနဲ့ သရက်သီးစိမ်း ချတ္တနေး Chutney ကို မိမိတို့နှစ်သက်သလို စားသုံးရန် ပြင်ပေးနိူင်ပါပြီ။
No comments:
Post a Comment