ဒီနေ့တော့ သျှားဖြူသီးလေးတွေ ဝယ်လာပြီး ထမင်းစားလို့ အရမ်းကို မြိန်စေတဲ့ ပုဇွန်ငပိနဲ့ ချဉ်ငံစပ်လေး ထောင်းဖြစ်သွားပါတယ် ထမင်းစားလို့ အရမ်း မြိန်စေတဲ့အတွက် မာမာပြင်ဆင်တဲ့နည်းလေးကို မျှဝေပေးလိုက်ပါတယ်ရှင်။
ဒီအသီးလေးတွေရဲ့  နံမည်ကို မာမာသိထားတာကတော့ သျှားဖြူသီးလို့ဘဲ သိထားပါတယ် တစ်ချို့ကတော့ တရုတ်ဇီးဖြူသီး တောင်ဇီးဖြူသီး တောဇီးဖြူသီး သင်္ဘောဇီးဖြူသီးဆိုပြီး တနေရာနဲ့တနေရာ အခေါ်အဝေါ်တွေ မတူကြတဲ့အတွက် မိမိသိထားသော နံမည်များ အစားထိုးပြီး ဖတ်ပေးကြစေချင်ပါတယ်။
ပါဝင်ပစ္စည်းများ
- သျှားဖြူသီး - အလုံး ၄၀ခန့်
- ပုဇွန်ငါးပိ - ထမင်းစားဇွန်း ၄ဇွန်း
- ပုဇွန်ခြောက် - အကောင်ကြီးကြီး အကောင် ၂၀ခန့်
- ကြက်သွန်ဖြူ - အမွှာကြီးကြီး ၇မွှာ
- ငရုတ်သီးအလှော်မှုန့် - စားနိူင်သလောက်
ပြင်ဆင်ပုံ
- သျှားဖြူသီးကို ရေစင်အောင် ဆေးပြီး အထဲမှ အစေ့များကို ထုတ်ပေးပါ
- ပုဇွန်ငါးပိ ကြွေပန်းကန် (သို့) ကြွေဇွန်းမှာ ကပ်ပေးပြီး မိုက်ခရိုဝေ့ထဲမှာ စက္ကန့်၃၀ဆီ ၂ခါကင်ပေးပါ
- မိုက်ခရိုဝေ့ မရှိပါက မီးဖိုပေါ်မှာ ဒယ်အိုးခပ်သေးသေး တလုံးထဲ ပုဇွန်ငါးပိကိုကပ်ကာ ကင်ပေးပါ
- အပေါ်ယံ တင်းလာပါက နောက်တဖက်ကို လှန်ပြီး ဆက်ကင်ပေးပါ
- ကြက်သွန်ဖြူကို အခွံခွာပြီး ရေဆေးထားပါ
- ပုဇွန်ခြောက်ကို ညက်နေအောင် ထောင်းပေးထားပါ
- အားလုံး အဆင်သင့် ဖြစ်တာနဲ့ ငရုတ်ဆုံထဲမှာ အရင်ဆုံး ကြက်သွန်ဖြူကို မညက်တညက် ထောင်းပေးပါ
- ပြီးတာနဲ့ သျှားဖြူသီးကိုထည့်ပြီး ထောင်းပေးပါ
- အားလုံး လေးစိတ်ကွဲ အနေအထား ရတာနဲ့ပုဇွန်ခြောက်မှုန့် ပုဇွန်ငါးပိကင်နှင့် ငရုတ်သီးအလှော်မှုန့်တို့ကို ထည့်ထောင်းပါ
- သျှားဖြူသီး ငပိထောင်း ညက်သွားတာနဲ့ ချဉ်ငံစပ် သျှားဖြူသီး ပုဇွန်ငါးပိထောင်းကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။
No comments:
Post a Comment