ဒီနေ့တော့ ကြက်သားပေါင်း ပေါင်းဖြစ်ပါတယ် ကြက်ပေါင်းရည် ချိုချိုလေးနဲ့ ကြက်သားအိအိလေးက နေမကောင်းတဲ့ သူတွေနဲ့ သင့်တော်သလို အားရှိအောင် ပေါင်းစားသင့်တဲ့ ကြက်သားပေါင်းနည်းလေးကို မျှဝေလိုက်ပါတယ်။
ကြက်သွန်ဖြူနဲ့ ချင်းအနံ့လေး မွှေးနေတဲ့အတွက် ခံတွင်းလိုက်မဲ့ ကြက်ပေါင်းလေးဖြစ်ပြီး ပေါင်းရတာလဲ အရမ်းလွယ်တဲ့အတွက် ကလေးလူကြီး သင့်တော်တဲ့အတွက် ပေါင်းစားသင့်ကြောင်းလဲ အကြံလေး ပေးလိုက်ပါတယ်ရှင်။
ပါဝင်ပစ္စည်းများ
- ကြက်ရင်ပုံသား - 250 g
- ဆား - လက်ဖက်ရည်ဇွန်း တ၀က်
- အရသာမှုန့် - လက်ဖက်ရည်ဇွန်း တ၀က်သာသား
- ကြက်သွန်ဖြူ - အမွှာကြီးကြီး ၃မွှာ
- ချင်း - လက်တဆစ်ခန့်
- ကြွေပန်းကန်လုံး - တစ်လုံး
- ပေါင်းခံဇကာပါ ပေါင်းအိုး - တစ်လုံး
ပြင်ဆင်ပုံ
- ကြက်သားကို ရေစင်အောင်ဆေးပြီး ဆား အရသာမှုန့် နနွင်းမှုန့်တို့နဲ့ အရသာဝင်အောင် နယ်ပေးထားပါ
- ချင်းကိုအခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာကာ ရေဆေးထားပါ
- အသင့်ပြင်ထားသော ကြွေပန်းကန်လုံးထဲမှာ အရသာနယ်ထားသော ကြက်သား ချင်းနှင့် ကြက်သွန်ဖြူ တို့ထည့်ပြီး ရေအနည်းငယ် ထည့်ပေးပါ
- အားလုံးအဆင်သင့် ဖြစ်ပါက ပေါင်းခံဇကာထဲ ထည့်ပေးပါ
ကြက်သားပေါင်းနည်း
- ပေါင်းအိုးအောက်ခံအိုးကို ရေ တ၀က်သာသာထည့်ပြီး ပေါင်းခံဇကာကို တင်ပေးပါ
- ကြက်သားထည့်ထားသော ပေါင်းဇကာကိုအဖုံးအုပ်ပြီး ပေါင်းပေးပါ
- ပေါင်းဇကာကို အဖုံးအုပ်ပြီး ၄၅မိန်စ်ခန့် ပေါင်းပေးပါ
- ကြက်သားပေါင်းနေစဉ် အောက်ခံရေနွေးအိုးမှာ ရေခမ်းတတ်တဲ့အတွက် အောက်ခံအိုးကို ရေထပ်ထပ်ထည့်ပေးပါ
- ကြက်သားပေါင်းနေစဉ် ကြက်သားထဲမှ အချိုရည်များ ထွက်လာပါလိမ့်မယ်
- ထိုထွက်လာသော ကြက်ပေါင်းရည်ကို အာဟာရ ပြည့်ဝစေရန် သောက်သုံးသင့်ပါတယ်
- ကြက်သားပေါင်းချိန် ၄၅မိနစ်ပြည့်ပါက ကြက်ပေါင်းရည် ချိုချိုလေးနှင့် ကြက်သားနူးအိအိလေးနဲ့ ကြက်သားပေါင်း မွှေးမွှေးလေး ရပါပြီ။
No comments:
Post a Comment