ထမင်းပူပူလေးနဲ့ အရမ်းစားလို့ကောင်းလွန်းတဲ့ ကြက်သားကြက်ဥနှစ်ကြော်လေး ကြော်ဖြစ်ပါတယ် ဒီအကြော်လေးကြော်တော့ သမီးငယ်က မေမေကြော်တဲ့ ကြက်သားအမိကြော်လေးတွေ စားလို့ကောင်းတယ်တဲ့။
သူပြောတာလေး စဉ်းစားမိတိုင်း အမြဲတမ်း သဘောကျနေတဲ့ ဒီအမေကတော့ သမီးငယ်အတွက် သူ့စကားလေးကို ယူသုံးရင်း ကြက်သား ကြက်ဥနှစ်ကြော် (သို့မဟုတ်) ကြက်သားအမိကြော် မွှေးမွှေးလေး ကြော်နည်းကို မျှဝေလိုက်ပါတယ်။
ပါဝင်ပစ္စည်းများ
- ကြက်ရင်ပုံသား - 250 g
- ကြက်ဥ - တစ်လုံး
- ကြက်သွန်ဖြူ - အမွှာကြီးကြီး ၂မွှာ
- ချင်း - လက်တစ်ဆစ်
- ငရုတ်ကောင်းမှုန့် - လက်ဖက်ရည်ဇွန်း သုံးပုံတပုံ
- ဆား - လက်ဖက်ရည်ဇွန်း တစ်ဝက်
- အရသာမှုန့်- လက်ဖက်ရည်ဇွန်း တစ်ဝက်
- ဆီ - လက်ဖက်ရည်ကြမ်းပန်းကန် နှစ်လုံး
- ဆလတ်ရွက် - မိမိနှစ်သက်သလောက်
- ခရမ်းချဉ်သီး - မိမိနှစ်သက်သလောက်
ပြင်ဆင်ပုံ
- ကြက်သားကို ရေဆေးပြီး ရေစစ်ကာ လက်သည်းခွံသာသာ ခပ်ထူထူ အတုံးလေးတွေ တုံးပေးပါ
- ငရုတ်ကောင်း ကြက်သွန်ဖြူ ချင်းတို့ကို ညက်နေအောင် သတ်သတ်စီ ထောင်းပေးပါ
- ကြက်ဥကို ဇလုံတစ်လုံးထဲမှာ ဖွားးဖွားပါအောင် ခေါက်ထားပေးပါ
- ကြက်သားကို ဆား အရသာမှုန့် ချင်း ငရုတ်ကောင်းမှုန့် ကြက်သွန်ဖြူတို့နဲ့နယ်ပေးထားပါ
- အရသာနယ်ထားသော ကြက်သားတုံးလေးများကို ခလောက်ထားသော ကြက်ဥထဲမှာ လူးပေးပါ
- ဆီကို ဇောက်နက်သော အိုးထဲမှာထည့်ပြီး မီးအနေတော်နဲ့အပူပေးပါ
- ဆီပူလာပါက ကြက်သားကို တစ်တုံးခြင်း ဇွန်းနှင့်ခပ်ပြီး ထည့်ကြော်ပေးပါ
- ကြော်နေစဉ် ကြော်တဲ့အိုးက အရမ်သေးနေပါက ကြက်ဥပါတဲ့အတွက် ဆီများဝေကျတတ်တဲ့အတွက် သတိထားပါ
- ကြက်ကြော် အတုံးလေးများ ရွှေဝါရောင်သန်းလာပါက ဆယ်ပြီးဆီစစ်ပေးပါ
- ဆလတ်ရွက်ကို ရေဆေးပြီး ရေစစ်ထားပါ
- ခရမ်းချဉ်သီးကို ရေဆေးပြီး ခပ်ထူထူလေးတွေ လှီးထားပေးပါ
- ဆီစစ်သွားပါက အရသာရှိသော ကြက်သားကြက်ဥနှစ်ကြော်ကို ထမင်းပူပူလေးနှင့် တွဲဖက်ပြီး ဆလတ်ရွက် ခရမ်းချဉ်သီးတို့နဲ့ တွဲဖက်စားသုံးရန် ပြင်ပေးနိုင်ပါပြီ။
No comments:
Post a Comment