ငရုတ်ပင်
ငရုတ်ရွက်များ
ပြုပ်ပြီးရေဆေးထားပါ
ပြင်ဆင်ပေးပါ
ငရုတ်ရွက်သုပ်
နူးညံ့ပြီး စားလို့လဲ အရမ်းကောင်းပါတယ် မာမာကတော့ ထမင်းနဲ့မစားဘဲ ရေနွေးကြမ်းလေးနဲ့ အမြည်းလုပ်လိုက်ပါတယ် အိမ်မှာငရုတ်ပင်လေးလဲရှိနေမယ် အရွက်တွေလဲ လှိုင်နေမယ်ဆိုရင်တော့ အရွက်အနုရော ခပ်ထွေထွေ အရွက်လေးတွေပါခူးပြီး ၂ရည်လောက်ပြုပ်ပြီး သုပ်စားကြည့်စေချင်ပါတယ်။
ပါဝင်ပစ္စည်းများ
- အရွက်များ ခြွေထားသော ငရုတ်ရွက် - အနေတော် ဇကာတလုံး
- နှမ်းလှော် - ထမင်းစားဇွန်း တဇွန်း
- ပဲအကျက်မှုန့် - ထမင်းစားဇွန်း တဇွန်းမောက်မောက်
- ပုဇွန်ခြောက်မှုန့် - ထမင်းစားဇွန်း တဇွန်းမောက်မောက်
- ငါးငံပြာရည် - ထမင်းစားဇွန်း တဇွန်း
- ကြက်သွန်နီဆီချက် - ထမင်းစားဇွန်း ၂ဇွန်း
- ခပ်ပါးပါးလှီးထားသော ကြက်သွန်နီ - အနေတော် တခြမ်း
- ငရုတ်သီး အလှော်မှုန့် - စားနိူင်သလောက်
- သံပုရာရည် - လက်ဖက်ရည်ဇွန်း တဇွန်းသာသာ
- အရသာမှုန့် - လက်ဖက်ရည်ဇွန်း တ၀က်
ပြင်ဆင်ပုံ
- ငရုတ်ရွက်ကို ရေစင်အောင်ဆေးပြီး ၂မိနစ်ပြုပ်ကာရေသွန်ပြီး နောက်ထပ်၂မိနစ်ထပ်ပြုပ်ပေးပါ
- ပြုပ်ပြီးပါက ရေအေးနဲ့ဆေးပြီး ရေများကို လက်နှင့်ဆုတ်ပြီး ညှစ်ပေးပါ
- ဇလုံကျယ်ကျယ်ထဲမှာ ငရုတ်ရွက်ပြုပ် ကြက်သွန်နီ နှမ်းလှော် ပုဇွန်ခြောက်မှုန့် ပဲမှုန့် ငရုတ်သီးမှုန့် အရသာမှုန့် ကြက်သွန်ဖြူဆီချက် ငံပြာရည်နှင့် သံပုရာရည်တို့ထည့်ပြီး ခပ်ဖွဖွနယ်ပေးပါ
- နယ်ဖတ်ပြီးပါက အရသာမြည်းပြီး လိုသလိုပြင်ပေးကာ သံပုရာသီးနံ့မွှေးမွှေးနဲ့ ငရုတ်ရွက်သုပ်လေးကို နှစ်သက်သလို စားသုံးနိူင်ပါပြီ။
No comments:
Post a Comment