ဒီနေ့တော့ ရာသီဥတု အေးနေချိန်လေးမှာ စားရသောက်ရတာ အဆင်ပြေလေအောင် ကြက်သားကို ချင်းမြှင်လေးတွေနဲ့ ပေါင်းဖြစ်သွားပါတယ်။
ဟင်းရည်မှာ ချင်းနံ့လေး မွှေးနေပြီး သောက်လို့အရမ်းကောင်းလွန်းတဲ့ မာမာပြင်ဆင်ပြီး ပေါင်းထားတဲ့ ကြက်ပေါင်းမွှေးမွှေးလေးအတွက် မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကြက်သား - 400 g
- ဟင်းခတ်မှုန့် - လက်ဖက်ရည်ဇွန်း တစ်ဝက်
- ချင်း - လက်တစ်ဆစ်ခန့်
- ဆား - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ကြက်သား အသားတုံးများကို ရေစင်အောင်ဆေးပြီး ဟင်းခတ်မှုန့် နှင့် ဆားတို့ထဲ့ကာ နယ်ထားပါ
- ချင်းကို အခွံခွာကာ ရေဆေးပြီး ခပ်ပါးပါးလေးတွေ လှီးပေးပြီး အမြှောင်း အရှည်လေးတွေရအောင် လှီးထားပေးထားပါ
- အပူခံနိုင်ပြီး ပေါင်းအိုးထဲမှာ ဝင်ဆန့်နိူင်မည့် ပန်းကန်လုံးထဲမှာ အရသာနယ်ထားသော ကြက်သားနှင့် ချင်းတို့ကို ထည့်ပေးပါ
- ပေါင်းအိုးထဲမှာ ရေထည့်ပြီး အောက်ခံခုံအခင်းကို ထည့်ပေးပါ
- ထိုအောက်ခံခုံပေါ်မှာ ကြက်သားပန်းကန်ကို တင်ပေးပါ
- ပေါင်းမည့်အိုး အောက်ခြေမှရေများ ပွက်ပွက်ဆူလာစဉ် ကြက်သားပန်းကန်ထဲ မ၀င်စေရန် ကြက်သားပေါင်းမည့် ပန်ကန်လုံးအောက်မှ သံဇကာခုံလေး မြုပ်ရုံရေထည့်ပေးပါ
- ပြီးလျှင် အိုးကို အဖုံးဖုံးပြီး ပေါင်းမည့်ခလုပ်ကိုနှိပ်ကာ မိနစ်နှစ်ဆယ်နှင့် အရင်ဆုံး ကြက်သားနူးအိလာတဲ့အထိ ပေါင်းပေးပါ
- ကြက်သားပေါင်းချိန် မိနစ်နှစ်ဆယ်ပြည့်ပါက ပေါင်းအိုးထဲမှ လေကိုကုန်အောင် ထုတ်ပေးပြီးမှ အိုးအဖုံးကို ဖွင့်ပေးပါ
- ကြက်သားပေါင်းနေစဉ် အောက်ဖက်မှ ထဲ့ထားသော ရေမှာ ခမ်းတတ်တဲ့အတွက် သတိထားပြီး ကြည့်ပေးကာ နည်းနေပါက ထပ်ဖြည့်ပေးပါ
- ပြီးတာနဲ့ အရိုထဲမှ သွေးစများ ကျက်သွားစေရန် နောက်ထပ်ငါးမိနစ် ထပ်ပေါင်းပေးပါ
- ပေါင်းချိန် ငါးမိနစ်ပြည့်တာနဲ့ ပထမနည်းအတိုင်း အိုးထဲမှ လေကုန်အောင် ထုတ်ပြီးမှ အိုးအဖုံးကို ဖွင့်ပေးပါ
- ကြက်သားစပေါင်းကာစက ပန်းကန်လုံးထဲမှာ ရေမထည့်ထားသော်လဲ ကြက်သားပေါင်းစဉ် ထွက်လာတဲ့ အရည်များ ပန်းကန်လုံးထဲမှာ ပြည့်လာပါလိမ့်မယ်
- ထို ကြက်သားပေါင်း ပန်းကန်ထဲမှ ကြက်ပေါင်းရည်များကို ဟင်းချိုရည် ပြင်ဆင်ရာမှ ငရုတ်ကောင်းမှုန့်ခပ်ပြီး ပြင်ဆင်ပေးနိူင်ပါပြီ။
No comments:
Post a Comment