ဒီနေ့တော့ ချဉ်ငံစပ်ခါး အရသာလေးတွေ ပါဝင်တဲ့ တမာဖူးလေးတွေကို သုပ်ပါတယ် မာမာကတော့ အခါးကြိုက်တဲ့သူမို့လို့ frozen လုပ်ထားတဲ့ တမာဖူးလေးတွေကိ အကြာကြီး ထပ်မပြုပ်တော့ဘဲ သုံးမိနစ်လောက်ဘဲ ပြုပ်ပြီး ပြီး ချဉ်ငံစပ်ခါးလေး ပြင်ဆင်ထားပါတယ်။
ပါဝင်ပစ္စည်းများ
- တမာဖူး - 227 g
- ခရမ်းချဉ်သီး - အနေတော် သုံးလုံး
- ငရုတ်သီးစိမ်း - စားနိူင်သလောက်
- ပဲအကျက်မှုန့် - ထမင်းစားဇွန်း တဇွန်းမောက်မောက်
- ပုဇွန်ခြောက်မှုန့် - ထမင်းစားဇွန်း တဇွန်းမောက်မောက်
- ငါးငံပြာရည် - ထမင်းစားဇွန်း တဇွန်း
- ကြက်သွန်ဖြူဆီချက် - ထမင်းစားဇွန်း ၂ဇွန်း
- ကြက်သွန်နီ - အနေတော် နှစ်လုံး
- ကြက်သွန်ဖြူ - အမွှာကြီးကြီး လေးမွှာ
- ကြက်သွန်ဖြူဆီချက်အဖတ် - ထမင်းစားဇွန်း တစ်ဇွန်း
- ငရုတ်သီး အလှော်မှုန့် - စားနိူင်သလောက်
- မန်ကျည်းသီးမှည့်အနှစ် - လက်ဖက်ရည်ဇွန်း တစ်ဇွန်းသာသာ
- သံပုရာရည် - လက်ဖက်ရည်ဇွန်း တဇွန်းသာသာ
- အရသာမှုန့် - လက်ဖက်ရည်ဇွန်း တ၀က်
- ဆီ - ဆီချက်ချက်ရန် မိမိလိုသလောက်ကို သုံးပေးပါ
ဆီချက်ချက်ရန်
- ကြက်သွန်ဖြူ အမွှာ၂၀ခန့်ကို အခွံခွာပြီး ရေဆေးကာ ခပ်ပါးပါး လှီးထားပါ
- ဆီကိုအပူပေးပြီး နနွင်းမှုန့်ထည့်ပါ
- ဆီပူလာတာနဲ့ ကြက်သွန်ဖြူကို ထည့်ကြော်ပါ
- ကြက်သွန်ဖြူများ အ၀ါရောင် သန်းလာတာနဲ့ ဆယ်ပြီးဆီစစ်ထားပါ
- ဆီအေးသွားမှ ကြက်သွန်ကြော်များနှင့် ရောပေးပါ။
ပြင်ဆင်ပုံ
- တမာဖူးများကို ရေစင်အောင်ဆေးပြီး ရေနွေးဆူဆူနှင့် ၃မိနစ်ခန့် ပြုတ်ပေးပါ။
- ပြုပ်ပြီးပါက ရေအေးနဲ့ဆေးပြီး ရေများကုန်သွားအောင် လက်နှင့်ဆုတ်ပြီး ညှစ်ပေးကာ အနေတော်လေးတွေ လှီးပေးထားပါ။
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ။
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်နုတ်နုတ် လှီးထားပါ။
- ငရုတ်သီးစိမ်းကို ရေဆေးပြီး မထူမပါးလေးတွေ လှီးထားပါ။
- ခရမ်းချဉ်သီးကို အလုံးလိုက်ရေဆေးပြီး မထူမပါးလေးတွေ လှီးထားပါ။
- ကြက်သွန်ဖြူ ဆီချက်နှင့် ဆီချက်အဖတ်နှင့် ပါဝင်ပစ္စည်းများကို ပြင်ထားပါ။
- ဇလုံကျယ်ကျယ်ထဲမှာ တမာဖူး ကြက်သွန်နီ ကြက်သွန်ဖြူ ပုဇွန်ခြောက်မှုန့် ပဲမှုန့် ငရုတ်သီးမှုန့် ငရုတ်သီးစိမ်း အရသာမှုန့် ကြက်သွန်ဖြူဆီချက် ဆီချက်အဖတ် မန်ကျည်းသီးမှည့်အနှစ် ငံပြာရည်နှင့် သံပုရာရည်တို့ထည့်ပြီး ခပ်ဖွဖွ နယ်ပေးပါ။
- နယ်ဖတ်ပြီးပါက အရသာမြည်းပြီး မိမိနှစ်သက်တဲ့ အရသာ ရလာအောင် လိုသလိုပြင်ပေးကာ သံပုရာသီးနံ့မွှေးမွှေးနဲ့ တမာဖူးသုပ် ချဉ်ငံစပ်ခါး အသုပ်လေးကို နှစ်သက်သလို စားသုံးနိူင်ရန် ပြင်ပေးနိူင်ပါပြီ။
No comments:
Post a Comment