ဒီနေ့တော့ သမီးလေး ကျောင်းပြန်မသွားခင်က ချက်ကျွေးဖြစ်ခဲ့တဲ့ ဟင်းတွေထဲက အရသာ အလွန်ရှိလှတဲ့ ကြက်သား သံပုရာသီးပေါင်း ပေါင်းဖြစ်ပါတယ်။
အရသာကလဲ အလွန်ရှိပြီး စားလို့ကလဲ အလွန်ကောင်းလွန်းတော့ မိတ်ဆွေတို့အတွက် လွယ်လင့်တကူ ဟင်းတစ်မယ် ရစေဖို့ ကြက်သားသံပုရာပေါင်း ပေါင်းနည်းလေး မျှဝေလိုက်ပါတယ်။
ပါဝင်ပစ္စည်းများ
- ကြက်ရင်ပုံသား - 200 g
- သံပုရာသီး - တစ်လုံး (သို့ ) သံပုယိုသီး
- ငါးငံပြာရည် - ထမင်းစားဇွန်း ၁ ဇွန်း
- အရသာမှုန့် - လက်ဖက်ရည်ဇွန်း တစ်ဇွန်း (အသားအရသာနယ်ရန်နှင့် ဟင်းရည်အရသာစပ်ရန် )
- ဆား - လက်ဖက်ရည်ဇွန်း လေးပုံတစ်ပုံ
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- နံနံပင် - မိမိနှစ်သက်သလောက်
- ငရုတ်သီးစိမ်း - မိမိစားနိူင်သလောက်
- ကြက်သွန်ဖြူ - အမွှာကြီးကြီး၂ မွှာ
- ရေ - ၅ခွက်ခွဲ သာသာ (မုန့်လုပ်ရာတွင် ချင်သောခွက်)
ပြင်ဆင်နည်း
- ကြက်သားကို အတုံးလိုက် ရေဆေးပြီး နနွင်းမှုန့် အရသာမှုန့် လက်ဖက်ရည်ဇွန်း တစ်ဝက် ဆားတို့နှင့် အရသာဝင်အောင် နယ်ပေးပါ
- ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
- နံနံပင်ကို ရေဆေးပြီး ခပ်ကြမ်းကြမ်း လှီးထားပါ
- ငရုတ်သီးစိမ်းကို ရေဆေးပြီး မညက်တညက် ထောင်းထားပါ
- သံပုရာသီးကို ရေဆေးပြီး အကွင်းလိုက် ခပ်ထူထူ လှီးထားပါ
- ကြက်သားကို အတုံးလိုက် ရေဆေးပြီး နနွင်းမှုန့် အရသာမှုန့်နှင့် ဆားတို့နှင့် အရသာဝင်အောင် နယ်ပေးပါ
- ပြီးတာနဲ့ ဇောက်နက်သော အိုးထဲမှာ ကြက်သားတုံးနှင့် ရေအနည်းငယ် ထည့်ပေးကာ ပြုပ်ပေးပါ
- အိုးမကပ်စေရန် ဖွင့်ကြည့်ပေးပြီး ရေမခမ်းခင် ကြက်သား အရောင်ပြောင်ပြီး မာလာပါက ရေနှစ်ခွက် ထပ်ထည့်ပြီး ပြုတ်ပေးပါ
- ဒုတိယအကြိမ် ထည့်ထားသော ရေမခမ်းခင် မီးပိတ်ကာ မီးဖိုပေါ်မှ ချပေးထားပါ
- ပြီးတာနဲ့ ကြက်သားပြုပ်ကို အိုးထဲမှ ဆယ်ပေးကာ လက်တစ်လုံးလောက် အနေလေးတွေ လှီးပေးပါ
- လှီးထားသော ကြက်သားတုံးများကို အနေတော် ပန်းကန်ပြားထဲသို့ ပြောင်းပြီး ထည့်ထားပေးပါ
- ကြက်သားပြုပ်ထားသော အိုးထဲမှာ ရေတစ်ခွက်ခွဲ ထပ်ထည့်ပြီး အရသာမှုန့် လက်ဖက်ရည်ဇွန်း တစ်ဝက် ငံပြာရည် နှင့် လှီးထားသော သံပုရာသီး ကြက်သွန်ဖြူ ငရုတ်သီးစိမ်းနှင့် နံနံပင်တို့ကိုထည့်ပြီး ၃မိနစ်လောက် ပွက်ပွက်ဆူအောင် တည်ပေးပါ
- ရေပွက်ပွက် ဆူလာတာနဲ့ အရသာ မြည်းပေးကာ လိုအပ်သလို ပြင်ပေးပါ
- အရသာ အနေတော် ရပြီဆိုတာနဲ့ လှီးပြီးပန်းကန်ပြားထဲ ထည့်ထားသော ကြက်သားအပေါ်ကို လောင်းချပေးပါ
- ပြီးတာနဲ့ ပေါင်းအိုးအောက်ခံအိုးကို ရေတစ်ဝက်ဖြည့်ကာ ပေါင်းခံဇကာထဲကို ကြက်သားပန်းကန်ထည့်ပြီး ဆယ်မိနစ်လောက် ပေါင်းပေးပါ
- အရသာ ချဉ်ငံစပ်ပြီး ငရုတ်သီးစိမ်းနှင့် သံပုရာသီးနံ့လေးမွှေးကာ စားလို့ အရမ်း ကောင်းလွန်းတဲ့ ကြက်ရင်ပုံသား သံပုရာပေါင်းကို သုံးဆောင်ရန် စားပွဲပြင်ပေးနိူင်ပါပြီ
- အစပ်စားသူတို့အတွက် ချဉ်ငံစပ် အရသာလေး ရစေရန် ငရုတ်သီးစိမ်းကို မဖြစ်မနေ ထည့်ပေးပါ။
No comments:
Post a Comment