ဒီနေ့တော့ မန်ကျည်းသီးစိမ်းလေးတွေကို ထောင်းထားပြီး မျှစ်ချောင်းလေးတွေနဲ့ ဆီလည်ရေလည်လေး ချက်ပါတယ် ထမင်းစားလို့ မြိန်လွန်းတဲ့အတွက် မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေလိုက်ပါတယ်ရှင်။
ပါဝင်ပစ္စည်းများ
- မျှစ် - ဆယ်ချောင်း
- ပုဇွန်အကောင်သေး - 200 g
- မန်ကျည်းသီးစိမ်း ထောင်းပြီးသား - ထမင်းစားဇွန်း လေးဇွန်း
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး နှစ် မွှာ
- ငရုတ်သီးအခြောက်တောင့် - စားနိူင်သလောက်
- ငရုတ်သီးစိမ်း - ခြောက်တောင့်ခန့်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း လေးဇွန်း
- ဆား - လက်ဖက်ရည်ဇွန်း တစ်ဝက်
- ငါးငံပြာရည် - ထမင်းစားဇွန်း သုံးဇွန်း
- အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
- မျှစ်ကို ရေဆေးပြီး ပုံပါအတိုင်း လေးစိတ်စိတ်ထားပါ
- ပုဇွန်ကို ရေဆေးပြီး ခေါင်းနှင့် အမြှီးများကို ဖြုတ်ထားပါ
- ကြက်သွန်နီကို အခွံခွာပြီး ရေဆေးကာ ခပ်နုတ်နုတ် စင်းထားပါ
- ကြက်သွန်ဖြု ကို အခွံခွာပြီး ရေဆေးကာ ခပ်နုတ်နုတ် စင်းထားပါ
- ပြီးတာနဲ့ ကြက်သွန်နီ ကြက်သွန်ဖြူ ငရုတ်သီးအခြောက်တောင့်တို့ကို မညက်တစ်ညက် ရောထောင်းထားပါ
- ငရုတ်သီးစိမ်းကို ရေဆေးပြီး အညှာခြွေထားပါ
- မန်ကျည်းသီးစိမ်းကို မလိုတာတွေ ဖယ်ပေးပြီး ညက်နေအောင် ထောင်းထားပါ
- ဆီ နနွင်းမှုန့် ဆား အရသာမှုန့် ငါးငံပြာရည်တို့ကို ပြင်ထားပါ
ဟင်းချက်ရန်
- အိုးထဲမှာ ဆီကိုအပူပေးပြီး နနွင်းမှုန့်ကိုထည့်ပါ
- နနွင်းမှုန့် ထည့်ပြီးတာနဲ့ ငရုတ်သီးထောင်းကို ထည့်ပြီးဆီသတ်ပါ
- ဆီသတ်နံ့မွှေးလာတာနဲ့ငရုတ်သီး ဆီသတ်ကို ဘေးကိုခန တွန်းထားကာ မန်ကျည်းသီးစိမ်းထောင်းကို ထည့်မွှေပေးပါ
- မန်ကျည်းသီးစိမ်း ထည့်ပြီး လေးမိနစ်လောက် ကြော်ပေးပါ
- မန်ကျည်းသီးစိမ်း အရောင်ပြောင်းသွားတာနဲ့ ပုဇွန်ကို ထည့်မွှေပေးပါ
- ပုဇွန်ထည့်ပြီးတာနဲ့ သုံးမိနစ်လောက်နေရင် မျှစ်ကိုထည့်ပြီး မွှေပေးပါ
- ပြီးတာနဲ့မျှစ် အရသာမှုန့် ဆား ငံပြာရည်တို့ကို တစ်ခါထဲ ထည့်မွှေပေးပါ
- ပြီးတာနဲ့ မျှစ်ကို ရေမြုပ်အောင်ထည့်ကာ အဖုံးအုပ်ပြီး တည်ပေးပါ
- ရေမခမ်းခင် ဆီလည်ရေလည် အနေအထား ရလာတဲ့နဲ့ အရသာမြည်းပြီး လိုသလို ပြင်ပေးပါ
- ပြီးတာနဲ့ မျှစ်မန်ကျည်းသီးစိမ်း ဆီလည်ရေလည် ချဉ်ငံစပ်ဟင်းလေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။
No comments:
Post a Comment